فريدة سيف النصر لمنتقدي مسلسل الضاحك الباكي: اصبروا شوية ما تبقوش محضرين السكاكين

أعربت الفنانة فريدة سيف النصر عن غضبها واستيائها من الانتقادات الموجهة لـ مسلسل الضاحك الباكي، وذلك من خلال حسابها الرسمي بموقع التواصل الإجتماعي “فيسبوك".

تحيا مصر يرصد في ذلك التقرير تعليق فريدة سيف النصر على مسلسل الضاحك الباكي

فريدة سيف النصر وجدل انتقاد نجيب الريحاني

كتبت فريدة سيف النصر: جيب الريحاني..لما الصحافه والمواقع تفتح عينك علي سؤال واحد إيه رأيك في الضاحك الباكي والهجوم عليه..واسأله غريبه هرد واقول بالتفصيل، اه باتفرح ده محمد فاضل يعني..اللي اتشرفت بمسلسل الشارع الجديد معاه..مالكم".

فريدة سيف االنصر: الديكور مناسب مع فترة الأربعينات

وتابعت: “البطء والألوان والديكور والأداء..مش فاهمه المقصود؟يااساتذه الأداء في الأربعينات كده البساطه والهدوء كده ظروفهم المعيشية كده وصح جدا بل كنت اتمني يتصور اسود وابيض.ونلون بعدين..أنا شايفه لانه سيره ذاتيه يعني بينقل لك حياه كامله حقيقيه بلا فذلكه وتدخلات وابهارات بصريه واكشن ..في ايه ياجماعه كل عمل له جو خاص به”.

فريدة سيف النصر: تعالوا نحب الخير لبعض الموت مش بعيد عن أي حد

وأضافت: “الهجوم ليه ليه هو احنا لسه شوفنا ربع العمل حتي ياساتر يارب..تعالوا نحب الخير لبعض الموت مش بعيد عن أي حد كبير او صغير بلاش كده..نحكم قدام شويه..اعمال كتير بدءت قويه وحركات وابهار وخفتت وماتابعنهاش..وأعمال بدءت بسيطه وشويه شويه شدت وعليت، وفي اعمال حدث ولا حرج قمة هجومكم ينفع معاهم”.

فريدة سيف النصر لـ منتقدي الضاحك الباكي: خليكم منصفين وأصحاب اقلام شريفة

واستكملت: لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خلليكم منصفين وأصحاب اقلام شريفه...اصبروا ماتبقوش محضرين السكاكين كده..مفضوحه يعني الطريقه ليه كده..لاحول ولاقوة الا بالله".

واختتمت حديثها مشيدة بـ الفنان الكبير عمرو عبد الجليل، فقالت: “وعلي فكره عمر عبد الجليل.. فجأة بقي الريحاني وعلشان أنا اقتنع وأصدق كاممثله..فالازم اقول له برافو قلعت عمر وفرملته بمفرداته بره الاستديو وليست نجيب أو لبسك  شابو. واصبروا عالذبح سموا الاول ياجزارين الفن”.