الغلبان واللي في حاله مات.. المطربة أمينة تعلن وفاة شقيقها

أعلنت المطربة أمينة في الدقائق القليلة الماضية، وفاة شقيقها انور، بطريقة تبين من خلالها انهيارها، لتنهال عليها التعليقات بالدعاء لها بالصبر والرحمة لشقيقها.

تحيا مصر يرصد في ذلك التقرير وفاة شقيق المطربة أمينة

وفاة شقيق المطربة أمينة

كتبت أمينة عبر حسابها الرسمي بموقع تبادل الصور والفيديوهات انستجرام، معلنة وفاة شقيقها: اخويا مات، اخويا انور مات، الغلبان مات، اللي في حاله مات".

وانهالت على المطربة أمينة التعليقات بالصبر والسلوان، فكتتب الفنانة وفاء عامر ناعية لها: "لا حول ولا قوة الا بالله ربنا يصبرك".

أمينة تحيي ذكرى وفاة شقيقتها 

وكانت المطربة قد أحيت ذكرى وفاة شقيقتها منذ أيام ليست بالقليلة، فكتبت عبر حسابها الرسمي بموقع تبادل الصور والفيديوهات انستجرام، فقالت:  “أختى انهاردة بقالها ٣ سنين متوفية كإنهم تلت أيام مش هتكلم كتير بس هقولكم ان يارب، تكونو فعلًا بتحسو بينا وبكل اللى فى قلبنا ليكم كل اما بكبر بحس انى محتاجة لكم أكتر بحس ساعات انى بجد عيلة صغيرة مهما كبرت وكبرت مسؤولياتى بالذات كأم بسأل نفسى انتو ربتونا ازاى ازاى ست لا حول لها ولا قوة الا من عند ربنا تتولى مسؤولية زى دى وأب كمان بيشقى ويتعب ويشتغل بدل الشغلانة اتنين وتلاته عشان يعيشنا كويس الله يرحمك يابويا ويرحمك يا أمى”.

وتابعت متحدثة عن شقيقتها: “أما أمى التانية وأختى وكل حاجة فالكلام عنك مش هيخلص الله يرحمك يا حبيبتي الله يرحمكم ويجعلكم انهاردة من رحالة عرفة يارب”.

أمينة توجه رسالة قاسية للجمهور بسبب مرضها

وأثارت المطربة أمينة منذ فترة، جدل الجمهور برسالة أعلنت من خلالها مرضها، موجهة بها رسالة قاسية للجمهور، حيث قالت:  جماعة الناس اللي مفكرة أن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني ورغم أني كنت بتحامل على نفسي عشان خاطر فيه ناس جايه عشان تشوفني مارضتش أمشي ونتيجة تحملي علي رجلي جالي تمزق في الأربطة.

وتابعت: كل ده مش مهم قد ما مهم أوى أني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانه فيا وبتقول أحسن ما تقطع، أحسن دي بتترقص، أحسن دي مش عارف أيه؟! ليه كل ده؟! ليه الغل والحقد ده؟ ليه الكره غير المبرر ده؟!..  جماعة إحنا أبسط من كده بكتير وأي شو إعلامي بيظهر قدامكم اوعوا تتخدعوا فيه أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من ناحيتي، ربنا يهديكم ويبعد عننا النفوس المريضة دي يا رب.