أخرهم أحمد العوضي.. نجوم تحولت مواقفهم الانسانية لـ ساحة من الانتقادات

يبادر عدد كبير من نجوم الفن بالأعمال الخيرية والانسانية، ولا سيما نجوم معيين تكثر عندهم تلك الأعمال كـ الفنان تامر حسني الملقب بـ “نجم الانسانية”، ولكن في بعض الأحيان تتحول انسانية هؤلاء النجوم لـ ساحة من الانتقادات بسبب رواد السوشيال ميديا، ويرصد تحيا مصر في ذلك التقرير مظاهر تحول الانسانية للانتقدات.

عمر كمال وقطة الشوارع

شارك مطرب المهرجانات الشعبية عمر كمال صورة له وهو يطعم إحدى قطط الشوارع، وعلق على الصورة، قائلا: “جائز تكون سبب في دخولي الجنة”، وكان يعتقد عمر كمال أن هذا العمل الانساني سيزيد من إعجاب الجمهور له، لكن الأمر تحول تمام، فقابله موجة من الانتقادات العريمة.

وجاءت تعليقات الجمهور على الصورة في ذلك الوقت: “ياعم بقى الي بيعمل حسنه بيخليها لنفسه انت بتبين للناس انك جامد و قلبك رهيف وفعلاً ممكن القطه تدخلك الجنه بس الاماكن الي بتغني فيها و الخمور الي حواليك ممكن بردو تدخل النار”، “طب ماتعملها ولا هو لازم نشوف انك بتعمل خير”، “خدني كدا صوره وانا بأكل القطه”، “طب م تعمل خير من غير ماتتباهي بيه”.

حمو بيكا ومريضة السرطان

نشر مطرب المهرجانات الشعبية حمو بيكا هو الأخر، فيديو له أثناء زيارته لـ احدى الأطفال المصابة بـ مرض السرطان، وبعد مشاركة الفيديو بدقائق انقلب عليه رواد السوشيال ميديا، وبدأ ينفرون من فعلته، مشيرين إلى أن حمو بيكا يسعى لـ ركوب التريند.

وخرج حمو بيكا للرد على تلك الانتقادات، فقال: "بمناسبة البوست المنتشر بخصوص أني زرت الطفله الجميلة في بيتها عشان هي بتحبني، أولًا أنا زرت الطفلة الجميله دي بناءً على طلبها، ثانيًا أنا مطلبتش أن حد يصورني أو أنا بتاجر بالمرض، والتفكير الردئ جدًا اللي بقي في الناس ده، ثالثًا أهلها صوروني عشان فرحتهم بوجودي مش لغرض الشو والمتاجرة بالمرض والكلام الهايف ده، ارحمو نفسكم من الهري الكتير.. بتتعبو نفسكم على الفاضي.. تفكيركم بقي منحدر بطريقة بشعة.. لازم الفتي في كل المواضيع.. أنا مش بتاع شو ولا هكون بتاع شو في حاجة زي دي بالذات.. ارحمو من في الأرض يرحمكم من في السماء”.

أحمد العوضي وصاحب واقعة كشري التحرير

خرج أحمد العوضي بعد انتشار فيديو واقعة كشري التحرير مع عامل النظافة، ليدعم صاحب الواقعة مشيرا إلى أنه يريد مقابلته، وبالفعل نحج العوضي في تحديد موعد معه، وتوفير فرص عمل له، له سرعان ما انقلبت عليه السوشيال ميديا مشيرين إلى أنه يسعى لـ ركوب التريند، وكان من بين منتقديه مطرب الراب الشهير ويجز، الذي كتب عبر صفحته الرسمية بموقع تبادل الصور والفيديوهات انستجرام: "لما تعمل حاجة كويسة لحد متبقاش مرائي وتتاجر بقد إيه إنت بتحب تعمل خير.. اعمل وارمي في البحر وبدل ما تاخد نصيبك من شكر الناس ربنا يكرمك من فضله، بقينا في حاجة منتهى الصورني وأنا بعمل خير.. يع”.

ورد أحمد العوضي على منتقديه، فقال: أنا جبرت بخاطره والراجل اتكسر قدام الناس، فحقي اطلعه منصور قدام الناس برضوا.. ده من حقي ودوري لو ربنا مديني شُهرة أني استخدمها.. ربنا إداني الشهرة لسبب وبستخدمها في السبب اللي يرضي ربنا.. ودي حاجة بيني وبين ربنا.. اوعى تفتش في النوايا.. أنت مش قاضي في الأرض".