"ربنا خلقني عشان أغني ومش هعتزل أبدا".. أبرز تصريحات جورج وسوف مع صاحبة السعادة

حل المطرب جورج وسوف ضيفا على برنامج “صاحبة السعادة”، الذي تقدمه الفنانة اسعاد يونس على شاشة قنوات dmc، وذلك بعد جدل اعتزاله الفن، الذي انتشر في الفترة الأخيرة بسبب مروره بوعكة صحية شديدة، وصرح جورج وسوف عدد من التصريحات الجريئة، ينشرها تحيا مصر في ذلك التقرير.

تصريحات جورج وسوف في صاحبة السعادة

• أنا جاهز لأي حفلة فنية للناس الشعبية والمحدودة، ومتهاون في أبعد الحدود.
• في الشارع المصري بيموتوا في أبو وديع،  وجمهوري لو مش حبوني أنا ولا حاجة.
• ربنا خلقني عشان أغني وأنا مستمتع وطول ما فيا القدرة مش هعتزل أبدا.
•  أنا بغني للعاشق وللغلبان واللي ساب حبيبه واللي مسافر ولكل الناس، وبغني بـ إحساس كأني مكانه.
• أنا مش ضد الأغاني الجديدة، وبحاول أعاصر لأن لو معاصرناش الجيل ده تبقى مصيبة.
• أغنية اللي تعبنا سنين في هواه كانت سبب شهرتي، وكنت بغنيها في كل مكان وبقول إنها بتاعتي.
• مبظهرش في البرامج علشان مكررش نفس الكلام.
• الجمهور قضى الـ 3 أيام في الطرقات عشاني، ونامو على الأرض عشان يشوفوني ويتصوروا معايا.
•  بروح الحفلات عشان افرح أنا والجمهور مع بعض، استقبال الجمهور بيفرحلي قلبي وبيغذيلي حياتي.
• عيون بنتي حضرت حفلتي لأول مرة بالأردن ومعرفش هي بتسمعني ولا لا لأنها قاعدة مع مامتها.
•  كنت شقي ودلوقتي بتدلع احلى دلع من الجمهور وربنا مديني كل حاجة.

جورج وسوف في الاسكندرية 

من ناحية أخرى، يستعد المطرب المتألق جورج وسوف لـ احياء حفل غنائي جديد في مدينة الاسكندرية وذلك في يوم  29 من شهر اكتوبر، والتي تعد أولى حفلاته بعد شائعة اعتزاله الفن، وأقبل على الحفل  عدد كبير من الجمهور حتى أعنلت الشركة المنظمة نفاذ تذاكر الحفل بعد يومين من طرحها، ووقررت الشركة المنظمة خلال الفترة الحالية طرح تذاكر إضافية لاستقبال جديد من الجمهور.

أخر أعمال جورج وسوف

يذكر، ان أخر أعمال جورج وسوف أغنية يا ع الزمن، التي تقول كلماتها: “ ياه ع الزمن والدنيا واللي بتعمله ليه الحياة بتخلي ناس يتبدلو ع العشرة دي كان اللي شاهد ربنا ده ماقالش حتى كلمة حلوه ف حقنا.. حبة عذاب محتاج سنين عشان يلم ونقفله.. كان وعدنا حبه كلام.. وياريته دام أخر الطريق غير اللي بانلي ف اوله.. الوعد معنى وناس كتير بتردده ومايعرفوش قيمته.. الحب لعنة لما ناسو بيبعدو وعليا حرمته.. اللي جاي مبقاش خلاص قد اللي فات واللي راح مبقاش بيرجع.. مش هاضيع تاني لو حبة ساعات، خبطتين ف القلب توجع”.