من أنا بقيت عايش زي الميت لأسعد واحد في الدنيا.. مصطفى كامل بمثابة قبلة الحياة لـ حمو بيكا

بدأ مطربي المهرجانات يتنافسون من جديد بعدما قدم الفنان هاني شاكر استقالته عن منصبه كـ نقيب للمهن الموسيقية، وذلك لأنه كان هاني شاكر يحاربهم بشكل متواصل، تارة بوقفهم عن الغناء، وتارة أخرى بوقف تصاريحهم بـ إقامة الحفلات في مصر، فلم يجدوا أمامهم سوى السفر للخارج وإحياء حفلاتهم في الدول العربية والأجنبية الأخرى، ولم يكن ذلك الشيء بالمفرح بالنسبة لهم.

تحيا مصر يرصد في ذلك التقرير كيف تحول حمو بيكا من شخص ميت عمليا إلى استعادة عافيته ونشاطه الفني

مصطفى كامل قبلة الحياة لـ مطربي المهرجانات على رأسهم حمو بيكا

بعد استقالة هاني شاكر بدأ الصراع بين عدد من المشاهير على كرسي النقابة، كان من بينهم الفنان مصطفى كامل، الذي كان مرحب به بشكل مبالغ فيه من مطربي المهرجانات، وبعد فوزه بمنصب نقيب المهن الموسيقية، خرج عدد كبير من مطربي المهرجانات لـ تهنئته والترحيب به، وقام المطرب حمو بيكا بزيارته في منزله.

حمو بيكا قبل تولية مصطفى كامل منصب نقيب للموسيقيين: كل يوم بيعدي عليا بنار

كانت تصريحات حمو بيكا في أخر فترات هاني شاكر في نقابة الموسيقيين، مأسوية للغاية، اذ خرج في فيديو بثه عبر حسابه الرسمي بموقع التواصل الإجتماعي “فيسبوك”، قال فيه: “حسبي الله ونعم الوكيل في العصابة، حسبي الله ونعم الوكيل في كل واحد واقف في طريقي وفي كل واحد بيأذيني، هو أنا عشان مدفعتش مشتغلش، طب قولولي انتوا عايزين كام، احنا بلدنا فيها قانون والقانون دا على دماغي، بس أنا رافع قضية بقالها كتير، قضية رشوة وقضية ابتزاز وقضيتي لغاية دلوقتي معرفش ايه اللي حصلها، هو مفيش غيري، أنا كل يوم بيعدي عليا بنار”.

حمو بيكا: تعبت واتخنقت ومحدش حاسس بيا

وتابع: “تعبان ومخنوق من ناس معينة، أشوف فيهم أمراض الدنيا يارب وواحد بالذات مش هقول اسمك عشان الناس عارفينك، نصاب عالمي كبير، وأنا لو شوفتك مش عارف هعمل معاك اي،  أنا تعبت واتخنقت ومحدش حاسس باللي جوايا، كل يوم بيعدي عليا بقول يارب الحمد لله أن اليوم دا عدا عليا بخير".

وفي تصريح تليفزوني قال حمو بيكا: “ أنا تعبت.. أنت كنت عايش في قصر وأنا عايش في أوضة، ربنا هيحاسبك عشان بتقطع أكل عيشي، انت جرحتني وهزقتني وبتتنمر عليا لدرجة اني بقيت عايش زي الميت. ومش مسمحك لحد يوم الدين”.

حمو بيكا بعد تولي مصطفى كامل منصب نقيب: أنا أسعد واحد في الدنيا

وتحولت كل تلك التصريحات بعد تولي مصطفى كامل نقيب المهن الموسيقية، اذ قال في تصريحات تليفيزونية: “حسينا بالأمان بعد تولي الفنان مصطفى كامل منصب نقيب المهن الموسيقية، أنا بعتبر مصطفى كامل، أب لجميع مطربي المهرجانات الشعبية”.

وتابع: “أنا أسعد واحد في الدنيا النهارده والحمدلله أن في حد جمعنا ووجهنا للمفروض نعمله، في ناس بتحبنا كتير وبتسمعنا كتير بس في ناس كانت محسسانا أن احنا بيئة وملناش وجود في الحياة، النهارده حسينا أن لينا وجود وفي ناس بتحبنا وحسينا أن سيادة النقيب أبونا فعلا مبسوط اني هشتغل لاني كان بقالي 5 سنين بعاني يوقفوني بمزاجهم ويشغلوني بمزاجهم”.