عمر كمال: كنت بسجل شرايط للشيخ حسان وابيعها ومش مستعد اقابل ربنا

فجر مطرب المهرجانات عمر كمال عدد من التصريحات القوية لإحدى البرامج التليفزيونية حول حياته قبل دخول عالم الغناء.

ويرصدها تحيا مصر خلال السطور التالية:

تصريحات قوية للفنان عمر كمال

والدي كان متدين وإمام جامع وحافظ كتاب ربنا

مكنش موافق على أي شغلانة كنت بشتغلها

فكنت بروح من المنصورة للسويس أسجل خطب للشيخ  محمد حسان وأبيعها في مصر الشريط بـ 3 جنيه

وأخدت عهد على نفسي أني مش هظهر تاني مع راقصات والوعد ده قدام ربنا.

عندي 4 عربيات بفلوس كتيرة منهم واحدة بـ 8 ملايين جنيه

كل أوردر بشتغله بدفع للنقابة حقها

احنا نجحنا نجاح مش تقليدي ولينا أغاني محققه 4 مليارات مشاهدة

أنا مشاكلي كتير عشان نجاحي كبير

مش مستعد أقابل ربنا دلوقتي، ولو قابلت ربنا هيشوف الخير اللي جوايا.

أنا شايف أن أغنيتي مع سمية الخشاب منجحتش مع أنها جابت 16 مليون مشاهدة

وهي خلفت بالخطة التسويقية اللي كنا متفقين عليها وأنا عايز كل أغنية ليا تجيب الـ 100 مليون مشاهدة

عمر كمال يطرح اليوم يومك

طرح المطرب عمر كمال، أغنيته الجديدة التي تحمل اسم "اليوم يومك"، وهى الأغنية الدعائية لفيلم "خطة مازنجر"، والتي غناها على طريقة الديو مع الطفل مازن المصرى، والأغنية من كلمات منة عدلى القيعى، وألحان أحمد طارق يحيى، توزيع هانى محروس.

كلمات أغنية اليوم يومك عمر كمال

الليلة فيها إنّ
وحلاوة زايدة سنة
والدنيا رايقة بيننا
هو النهار ده إيه؟
الجو حلو بحري
والضحكة جاية تجري
والسهرة لسه بدري
الإختلاف ده ليه؟
هو النهار ده إيه؟
اليوم ده يومي، يومي، يومي يومك، يومي
هنعوم على عومة، عومة، عومة عومك، عومك
اليوم ده يومي، يومي، يومي يومك، يومي
هنعوم على عومة، عومة، عومة عومك
على شرفك إنت كده أهو جايين
أؤمر إنت تلاقينا قاعدين
وحياة عينيك ما احنا ماشيين لما تمشينا
اليوم ده يومي، يومي، يومي يومك، يومي
هنعوم على عومة، عومة، عومة عومك، عومك
اليوم ده يومي، يومي، يومي يومك، يومي
هنعوم على عومة، عومة، عومة عومك
هز هزة شمال ويمين
ده إنت نار واحنا البنزين
ومين يطفي اللمة دي مين دي والعة بينا
الناس مبسوطة زايطة
والأجواء في المعايدة
حتى اللطافة زايدة
ده جديد ده ولا إيه
أتاري الليلة ليلتك
وحبايبك وسط عيلتك
وأديني جريت وجيت لك
لسة هتسألني ليه؟
شوف النهار ده إيه؟
اليوم ده يومي، يومي، يومي يومك، يومي
هنعوم على عومة، عومة، عومة عومك، عومك
اليوم ده يومي، يومي، يومي يومك، يومي
هنعوم على عومة، عومة، عومة عومك
على شرفك إنت كده أهو جايين
أؤمر إنت تلاقينا قاعدين
وحياة عينيك ما احنا ماشيين لما تمشينا
اليوم ده يومي، يومي، يومي يومك، يومي
هنعوم على عومة، عومة، عومة عومك، عومك
اليوم ده يومي، يومي، يومي يومك، يومي
هنعوم على عومة، عومة، عومة عومك، عومك
هز هزة شمال ويمين
ده إنت نار واحنا البنزين
ومين يطفي اللمة دي مين دي والعة بينا