إيمان تطلب الخلع " جوزى باع هدومى الداخلية خايفة يبعنى انا وأبنه "

لم تتوقع إيمان أن يصل الحال بزوجها أن يقوم ببيع ملابسها الداخلية فى الشارع بعد أن قام خلاف بينهما على المخدرات بسبب أنه انفق كل ما فى المنزل وباع الكثير من عفش الشقة لشراء المخدرات، استغل نومها فى الصباح وجمع كل ملابسها حتى الداخلية ونزل بهم إلى الشارع لبيعها وسط دهشة وأستغراب من الجيران، وهو لا يبالي حتى استيقظت زوجته لتجد الدولاب فارغ وتحدثها احد الجيران مما يدفعها إلى الوقوف داخل محكمة الأسرة لرفع دعوى الخلع مبررة ذلك بقولها " المرة دى باع هدومى الداخلية بكره يبعنى انا وابنه فى الشارع منه لله اتجنن " .

تحيا مصر

وقالت الزوجة فى مستهل حديثها مع " تحيا مصر " : من اول ما اتجوزته وأنا عايشة فى جحيم ومش بيسمع كلام حد فى الأول بعد أيام من الجواز اكتشفت أنه بيشرب وقال إنه فى الافراح فقط أو المناسبات، وكنت بتخانق معاه عشان يبطلها لكن هو قال بيقول لى مالكيش دعوة بالموضوع، ومجرد شرب كدا لكن مش إدمان متقلقيش، ومرت الأيام لحد ما اتصاحب على شلة وبقي يسهر لنص الليل وبقي مش بيدفع مصروف للبيت حتى الشغل مش بيروح نايم طول النهار والليل كله سهران بره .

دعوى الخلع بمحكمة الأسرة 

وتابعت إيمان حديثها، " واتاكدت أنه بيشرب وبقي مدمن لما بدا ياخد عفش البيت يبيعه عشان يشرب وطلبت منه أننا نروح نشوف دكتور ويعالجه لكن رفض وعملنا مشكلة كبيرة وسبته ونمت بعد ما الحوار كبر بيننا وغلطنا فى بعض ، اتفأجت لما صحيت الصبح ملقتش هدومى فى الدولاب، واتفاجت بواحدة جارتى بتكلمنى وتقول لى جوزك معاه هدوم ببيعها فى أول الشارع، واتصدمت لما عرفت انى هدومى حتى الداخلية فى الشارع منه لله .

واختتمت قولها فى دعوى الخلع، المخدرات ضيعته وضيعنى انا وابنى ممكن يبعنى انا وابنه فى النهاية عشان المخدرات عشان كدا قررت ارفع ضده دعوى خلع وسبت البيت ويارب القضاء ينصفنى.