مصطفى كامل: أي حد هيضر بولادنا مش هيغني تاني وهنستبدل مصطلح مهرجانات بشعبة أداء صوتي

بدأ منذ قليل مؤتمر مصطفى كامل، نقيب المهن الموسيقية، وذلك  بمقر نقابة المهن الموسيقية بوسط البلد وبحضور أعضاء مجلس إدارة النقابة وجميع مطربي المهرجانات للإعلان عن قرارات النقابة  بشأن ملف المهرجانات  فى حضور  وسائل الإعلام.

تحيا مصر يرصد في ذلك التقرير تفاصيل مؤتمر مصطفى كامل وقرارته لـ مطربي المهرجانات

مصطفى كامل: “هيكون فيه احترام لـ بلدنا ومش هيكون فيه رشاوي”

وقال مصطفى كامل خلال المؤتمر عن قراره لـ مطربي المهرجانات: “هيكون في احترام لبلدنا واحترام للجيل اللي طالع، مفيش رشاوي ومحدش يدفع غير إصالة النقابة”.

مصطفى كامل:أي حد هيخرج عن النص مش هيشوف الغنا تاني

وتابع حديثه، قائلا: “إحنا قاعدين القاعدة دي عشان أي حد هيشتغل في أي مهنة خاصة بنقابة المهن الموسيقية هيخضع لعادتنا وتقالدنا وأي حد هيخرج عن النص مش هيشوف الغنا تاني، وأي حد هيضر بولادنا وهيسئ  لسمعة مصر مش هيشوف الغناء تاني".

وأكد مصطفى كامل بأنه سيتم استبدال كلمة مهرجانات لـ شعبة الأداء الصوتي، وسيكون اسم مطرب المهرجانات بـ المطرب الشعبي، واضعا لائحة لتعهدات مطرب المهرجانات للنقابة قبل الغناء.

مصطفى كامل ومطربي المهرجانات

وجدير بالذكر، أنه تحدث مصطفى كامل عن أغاني المهرجانات، فقال: “المستوى المتدني دخل بيوتنا ولو قولت اني هقدر اوقفه ابقى بكدب، أنا بتجنن أما بلاقي ولادي بيجوا يغنوا الكلمات دي، والفن المتدني نوع من المخدرات، ووجعي كان وجع راجل بيجري على ولاده”.

وتابع: “اي اي انتش وأجري وشقلطوني في بحر بيرة والجو ده، زعلان على اللي وصله الفن المصري، : قررت انه ميكونش فيه حاجة اسمها مهرجانات ومحدش يقولي بقطع عيش حد، انا اجتمعت مع ناس تانية يقولي رأيهم عشان مبقاش بقرر لوحدي”.

مصطفى كامل وشيرين عبد الوهاب

جدير بالذكر، أنه تحدث مصطفى كامل عن شيرين عبد الوهاب وازمتها الأخيرة، قائلا: "اتقالي بالنص أستاذ مصطفى شيرين اتخطفت واتضربت واتفتح عليهم مطاوي واتحطت في مستشفى باسم مستعار وكلمت شخصية هامة في وزارة الداخلية وحكيتله وقالي لا الموضوع مش كدا.. والموضوع بقاله 5 ايام”، مشيرا إلى أنه لن يتدخل في هذا الموضوع لحين أن تطلب هي لانه موضوع أسري.