رانيا تطلب الخلع : جوزى عرض عليا فلوس عشان أستر عليه ويحرمنى أنى أكون أم

تجلس رانيا البالغة من العمر 30 عاما على إحدى مقاعد محكمة الأسرة بزنانيري يظهر علي ملابسها الأناقة تنتظر دورها فى الدخول إلى قاضي محكمة الأسرة لنظر دعوى الخلع التى أقامتها ضد زوجها بعد 3 شهور من الزواج عندما رفض زوجها أن يذهب للطبيب للعلاج حيث أنه يعانى من مشاكل تمنعه من إقامة علاقة حميمة وطلب منها تستكمل معه الحياة الزوجية على هذا الوضع حفاظا على مظهره الإجتماعى مقابل فلوس  مبررة ذلك بقولها " لما اتجوزنا حصلت أول علاقة بينا بعد شهر ونص وغير كاملة واحتاج الأمر لتدخل طبيبة وبعدها محاولة يقرب منى تانى،  واكتشفت أنه مريض ولما واجهته عرض عليا فلوس مقابل اننا نستمر مع بعض وخايف على مظهره الإجتماعى عشان كدا مش هينفع يروح لدكتور ."

تحيا مصر 

رفع دعوى خلع 

قالت الزوجة فى مستهل حديثها مع " تحيا مصر ": " لما اتقدم ليا مكنش صريح معايا وعرفنى أنه عنده مشاكل فى ممارسة العلاقة الحميمة وترك ليا حرية الاختيار، لكن هو استغلنى لحد ما اتجوزنا وكان ظاهر قدام كل أهلى أنه عريس لقطة وأخلاق، وبعد الجواز كان بيحاول أننا نمارس حياتنا كان صعب جدا واضطرينا للدخول طبيبة حتى فقدت عذريتى، بعد شهر ونصف من الزواج، وبعد مرور عدة أيام اكتشفت أنه مريض وعندما واجهته رفض أن يذهب للعلاج .

دعوى خلع بمحكمة الأسرة 

وتابعت رانيا حديثها، وعرض عليا أنى أخد فلوس مقابل اننا نستمر فى الجواز عشان مظهره الإجتماعى لكن أنا من حقي أكون ام وقالتله كدا وكنت متوقعة أنه هيطلقنى فى هدوء اتفأجت أنه بيرفض طلاقي ولما سبت ليه البيت روحت بيت أهلى طلبنى فى بيت الطاعة، أنكر كل اللى قاله ليا، وأنه سليم ولما حاولت اتواصل معاه قالى يا تعيشي معايا يا هسيبك متعلقة كدا والمحاكم قدامك ، وعرفت أنه قال عليا كلام محصلش وطلع نفسه برئ وأنى ست مفترية ومش بعرف أتحمل مسئولية بيت .

واختتمت حديثها فى دعوى الخلع، " قررت أنى أرد عليه برفع دعوى خلع والسبب أخاف أن لا أقيم حدود الله، ومنتظرة حكم القضاء فى دعوى الخلع .