حسام حبيب لوالده: تربية الست دي اللي مش هتخليني ارد عليك وحسبي الله

خرج المطرب حسام حبيب ليرد على تصريحات والده الأخيرة التي هاجمه بها، إذ وصفه خلاله بمصطلح "تربية ست"، مشيرا إلى أن تصريحاته عن المطربة شيرين عبد الوهاب يدينها ولا يدافع عنها.

تحيا مصر يرصد في ذلك التقرير أول تعليق من حسام حبيب على والد

حسام حبيب لوالده: اتربيت تربية ست بميت راجل

كتب حسام حبيب عبر خاصية ستوري بموقع تبادل الصور والفيديوهات انستجرام: انا ليا الشرف أن انا تربية ست لأنها بميت راجل، وتربية الست دي هي اللي هتخليني مردش عليك، حسبي الله ونعم الوكيل فيك.

تصريحات والد حسام حبيب عنه

جدير بالذكر أنه قال والد حسام حبيب عبر حسابه الرسمي على موقع التواصل الاجتماعي فيسبوك: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

والد حسام حبيب له: أنا اللي كنت بصرف عليك

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك، ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

واختتم حديثه، قائلا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".

من ناحية أخرى، كان قد وجه حسام حبيب رسالة دعم للمطربة شيرين عبد الوهاب، قال فيها: "متعلمتيش الدرس المرة دي يبقى انتي اللي عايزة كدة لأن مفيش بعض اللي حصل حاجة تتعمل خلاص، انتي هتعملي اي في حياتك لازم حياتك دي تتغير وتتنسف حتى لو أقرب الناس كدة، لو كان الناس اللي حوليا بيدمروني كدة كنت هسيبهم، انتي نجاحك أكبر منك بكتير وعندك حاجات كتير معلمتهاش".