أول رد من ياسمين عز على إحراج سلوى الخطاب لها

خرجت الإعلامية ياسمين عز عن صمتها علي للرد على إحراج الفنانة سلوي خطاب لها خلال حلولها ضيفة على برنامجها «كلام الناس» المذاع عبر قناة mbc مصر الفضائية. 

تحيا مصر يرصد أول رد من ياسمين عز على إحراج سلوى الخطاب لها. 

ياسمين عز تعرب عن حبها لسلوى الخطاب

وكتبت ياسمين عز عبر خاصية الاستوري علي صفحتها الرسمية بموقع تبادل الصور والفيديوهات القصيرة انستجرام: "حبيبتي وصديقتي الحنونة النجمة سلوي خطاب اللي باكل من ايديها احلي بامية حقيقي من امتع الحلقات اللي عملتها وانتي تقولي اللي انتي عايزاه علي قلبي زي العسل. 

مشادة بين ياسمين عز وسلوى الخطاب

وأوضحت خطاب، خلال حوارها في برنامج «كلام الناس»، الذي تقدمه الإعلامية ياسمين عز، عبر قناة «إم بي سي مصر»، موجهة حديثها لـ ياسمين: «كان عندي واحدة صاحبتي لها آراء عكس آرائك كده، وليها آراء متطرفة، كنت بقولها هستنى لما تتجوزي وأشوفك وإنتي بتتجري من شعرك في الريسبشن، وفعلا اتطلقت بعد ما جوزها جابها من شعرها».

الرجل من وجهة نظر ياسمين عن وسلوى الخطاب 

وأضافت: «الزواج شركة، وكلنا بنتعب في حياتنا، الحياة محتاجة مجهود، والطرفين لازم يبذلوا مجهود».

وأشارت خطاب إلى أن «الراجل مش مطلوب منه حاجة غير شغله، مش مطلوب منه إنه ياخد باله من نفسه»، وعقبت ياسمين: «عشان هو جميل لوحده ربنا خلقه جميل». وردت خطاب: «كفاية رومانسية بقى، هتشوفي، بس ابقي فكريني لما تتجرجري، وعقبت ياسمين: أنا لا أقبل ده عليا أو على حد غيري».

في حديثها عن الطلاق قالت "العلاقات زمان غير العلاقات دلوقتي، مكنش في بيع كده، كان صعب على الست إنها تقول عايزة أطلق، عمتي كانت لا تجرؤ أن تقول قدام جدي عايز أطلق والكلام ده، ولما جه جوزها عشان ياخدها، جدي قال لها قومي وانزلي مع جوزك».

وأضافت الفنانة الكبيرة سلوى الخطاب خلال برنامج كلام الناس "عمتي كانت هتطلق عشان قالت لجوزها اقلع الجزمة وهي بتمسح». وتابعت "جدي كان عامل قانون إن بنته اللي تغضب وتسيب بيتها تيجي بورقة طلاقها».