خليك راجل يا اخي عرتنا وأنت فعلا تربية واحدة ست.. والد حسام حبيب يفتح النار عليه

فتح حسين حبيب والد الفنان حسام حبيب النار عليه بعد تصريحاته الأخيرة في برنامج الحكاية مع الإعلامي عمرو أديب حول أزمته مع النجمة شيرين عبد الوهاب.

تحيا مصر يرصد هجوم والد حسام حبيب عليه. 

هجوم والد حسام حبيب على نجله

كتب والد حسام حبيب عبر حسابه الرسمي على موقع التواصل الاجتماعي فيسبوك: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره
انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

والد حسام حبيب يسخر منه

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".

قال الفنان حسام حبيب، طليق الفنانة شيرين عبد الوهاب، إن «كل المحيطين بشيرين كانوا بييجوا في أي وقت، وكل الناس كانوا قريبين منها، وأصدقاء كتير اتجمعوا حوليها، لدرجة إن أوضة نومنا أنا وهي كانت كأننا في محطة مصر».

تصريحات حسام حبيب

وأضاف في مداخلة هاتفية ببرنامج «الحكاية»، مع الإعلامي عمرو أديب على قناة إم بي سي مصر:«التسجيل المنتشر كان مكالمة خاصة جدا بيني وبين صديق وكنت وقتها متخانق مع شيرين، وأنا كمان بكتشف الناس اللى حوليا زي ما شيرين بتكتشف الناس اللي حوليها».

وتحدث الفنان حسام حبيب عن أزمته مع شيرين عبد الوهاب، وقال خلال مداخلة هاتفية مع الإعلامي عمرو أديبإن أهلها هم السبب في إنهم يوصلوها للحالة دي والصلح المرة دي كان صلح مبني على الصداقة فقط.