أميرة تطلب الخلع .. والسبب " حماتى بتنام فى النص "

تقدمت أميرة بدعوى خلع داخل محكمة الأسرة بزنانيري، بعد سنة ونصف من الزواج فقط بسبب حماتها وتصرفاتها التى أجبرتها على طلب الخلع بعد أن أصبحت لا تطيق العيش مع زوجها أكثر من ذلك أو أنها تخاف أتن لا تقيم حدود الله الت أمرها بها، حيث أن زوجها يهجرها فى الفراش أيمام كثيرة مبررة ذلك بقولها " أنا مبقتش قادرة أتحمل أعيش كدا وأمه بتنام فى النص ولا بتراعى حيتنا الزوجية بحجة أبنها الوحيد وكمان رفض يطلقنى منهم لله دمروا حياتى وكرهونى فى الجواز .

تحيا مصر 

وقالت الزوجة فى مسنهل حديثها مع " تحيا مصر " : أتجوزت من سنة ونص من شاب وحيد أمه ، وكنت فاكرة أنى هعيش فى نعيم ودلع وأنى حماتى هتعاملنى كويس عشان أبنها ووافقت على الجواز بعد 5 شهورمن الخطوبة، وعيشنا فى بيت أهله ، بمجرد ما دخلت البيت واتصدمت من نصرفات أمه اللى عايزة تفضل معانا اليوم كله وتدخل أوضة النوم وتنام فى النص، وتحضن جوزى أو هو ينزل ينام فى حضنها بالأيام تحت غير لبسها العريان اللى بتقعد بيه، لدرجة أنه ممكن يسبنى بالأيام أتام لوحدى .

رفع دعوى الخلع

وتابعت أميرة، فى دعوى الخلع التى أقامتها ضد زوجها بمحكمة الأسرة  " طلبت منه كتير أنى الوضع مينفعش وأنى مراته وليا حقوق زوجية ومن حقي أعيش حياة طبيعية مع جوزى زى المتجوزين، لكن لا حياة لمن تنادى ماشي وراء أمه، زى الطفل وهى كمان بدأت تتعامل معايا بطريقة مش كويسة تقعد على رجل جوزى وتطلع لسانها ليا وتقولى دا حبيبي وعمرك ما تاخديه منى .

وأختتمت فى دعوى الخلع، بقيت حاسة بالقهر منهم وطفح بي الكيل وطلبت منه أننا نعزل فى شقة لوحدنا أو يطلقنى لكن رفض وراح حكى لوالدته اللى خلت يومى أسود، وخلته قلب عليا وقالى " دا عيشتى لو مش عاجبك هتفضلي معلقة "، وبعد أهلى ما أدخلوا عشان يطلقنى رفضواوأبتدت الخلافات بينا، وهو أتهمنى أنى عايزة أوقع بينه وبين أمه على الرغم أنه أبنها الوحيد وأتفأجت الناس بتطلب منى أقسم الأسبوع بينى وبينها وكأنها ضرتى مش حماتى فقررت أرفع دعوى خلع ومنتظرة أولى الجلسات .