حسام حبيب يبرأ شقيقة زينة من تسببها في أزمة شيرين: "أكتر حد كان بيعيط عليها"

برأ المطرب حسام حبيب، ياسمين رضا، شقيقة الفنانة زينة من التهم التي أسندت لها مؤخرا وهي انها على علاقة بما حدث للمطربة شيرين عبد الوهاب، وكان لها يد في إدمانها المخدرات.

تحيا مصر يرصد في ذلك التقرير حقيقة تدخل شقيقة زينة في أزمة شيرين

حسام حبيب عن ياسمين رضا: أكتر حد كان بيعيط على شيرين بجد

قال حسام حبيب خلال مداخلة هاتفية مع الإعلامي عمرو أديب، خلال برنامج “الحكاية”، المذاع على قناة mbc مصر: “ياسمين رضا انا كنت فاكر ان الصداقة دي مش صح، بس هي الوحيدة اللي كانت بتعيط على شيرين من قلبها وبتقولي اننا لازم نقف جنبها”.

جدير بالذكر، أنه كانت انتشرت تساؤلات حول تواجد شقيقة الفنانة زينة مع شيرين عبد الوهاب في منزلها قبل الواقعة، مشيرين إلى أنها من الممكن أن تكون طرف في أزمتها ومن الممكن أن تكون تدخلت في ازمة إدمان شيرين عبد الوهاب المخدرات، وبدأت رواد السوشيال ميديا يوجهون اتهامات مباشرة لها، لكن دون رد من ياسمين رضا على تلك الاتهامات.

التفاصيل الكاملة لـ تعدي شقيق شيرين عبد الوهاب عليها

وكان قد روى حسام حبيب التفاصيل الكاملة لـ تعدي شقيق الفنانة شيرين عبد الوهاب عليها، فقال: "“أخو شيرين عبد الوهاب مكنش بيكلمها، أنا لقيت فجأة ناس داخلة علينا بمطاوي، وأول مرة أشوف دكاترة معاهم مطاوي، واكتشفت انه كان جايب صحابه، شوفتها وهي بتتسحب في شعرها ونازلة حافية ببجامة، وبتجري بالعربية وبتقولي الحقني".

وتابع حسام حبيب حديثه، قائلا: "كان تلت تربع الكلام شتايم وتهديد، وكانت بتقعد تقوله انا أخت اللي عالجت تعمل فيا كدة، أنا اللي ربيتك وكبرت، وكانت بتقولي الحقني، وأنا اتضربت وايدي مشروخة، وكنت هرفع عليهم محضر بس خوفت من الفضيحة".

الموضوع كانت مترتب

واستكمل: “نص ساعة قتال، وأخدوا تليفوناتنا، وكانوا ناس داخلين عارفين هما بيعملوا اي، وشوفت منظر عمري ما هعرف أنساه طول حياتي، وأنا بقى عندي عقدة، مش شيرين عبد الوهاب اللي يتعمل فيها كدة، وفي واحدة هي اللي كانت عارفة اني جوة وهي اللي أخدت من شيرين المفتاح والموضوع كان مرتب”.