حسام حبيب: لما كنت بغفل عن شيرين عبد الوهاب شوية كانت بتتاكل.. هي فريسة للي حواليها

كشف المطرب حسام حبيب، طليق الفنانة شيرين عبد الوهاب عن سبب عدم عمله طوال الفترة الذي تزوج بها حسام حبيب من شيرين عبد الوهاب.

تحيا مصر يرصد في ذلك التقرير تصريحات حسام حبيب في برنامج الحكاية

حسام حبيب: لو كنت اشتغلت في الفترة اللي اتجوزت فيها شيرين كنت هعمل فلوس أكتر منها

وقال حسام حبيب خلال برنامج “الحكاية”، الذي يقدمه الإعلامي عمرو اديب عبر قناة mbc مصر: “أنا لو كنت عايز فلوس مكنتش هعطل نفسي وأفضل طول الفترة دي منزلش أغاني، أنا لو كنت كل فترة بنزل أغنية كنت هعمل فلوس أكتر من اللي شيرين عملتها بكتير”.

وتابع: “شيرين أنا لو كنت غفلت عنها نص ساعة كانت ممكن تتاكل من اللي حواليها، شيرين كانت ديما فريسة، وكان ممكن يبقى معاها 40 ألف يتاخد منهم 10 وهي متحسش، شيرين اتاخد منها عربيتها قدام عينها ومقدرتش تتكلم”.

حسام حبيب يوجه رسالة دعم لـ شيرين عبد الوهاب

ووجه حسام حبيب رسالة دعم لـ المطربة شيرين عبد الوهاب، قال فيها: “لو متعلمتيش الدرس المرة دي يبقى انتي اللي عايزة كدة لأن مفيش بعض اللي حصل حاجة تتعمل خلاص، انتي هتعملي اي في حياتك لازم حياتك دي تتغير وتتنسف حتى لو أقرب الناس كدة، لو كان الناس اللي حوليا بيدمروني كدة كنت هسيبهم، انتي نجاحك أكبر منك بكتير وعندك حاجات كتير معلمتهاش".

حقيقة التسجيل الصوتي المسرب لـ حسام حبيب 

وكان قد كشف حسام حبيب عن حبه الشديد لـ شيرين عبد الوهاب، مشيرا إلى أنه مستعد أن يضحي بنفسه من أجلها، أما بشأن التسجيل المسرب، فأوضح بأنه كان يتحدث خلاله مع صديق له في الفترة التي تسبب فيها شيرين عبد الوهاب بـ أزمة له، وأكد على أنه لا يمكنه الإستغناء عن شيرين عبد الوهاب، قائلا: “لسة بنحب بعض وعارفين العلاقة دي مش ممكن تستمر عشان الأهل اللي حواليها”.

وعن أقرب صديقة حقيقة لـ شيرين، فقال حسام حبيب: “ياسمين رضا انا كنت فاكر ان الصداقة دي مش صح، بس هي الوحيدة اللي كانت بتعيط على شيرين من قلبها وبتقولي اننا لازم نقف جنبها”.