حسام حبيب لـ شقيق شيرين عبد الوهاب: حسبي الله ونعم الوكيل فيك وهرفع قضية عليك

وجه حسام حبيب خلال مداخلته الهاتفية مع الإعلامي عمرو أديب خلال برنامج الحكاية، المذاع على قناة mbc مصر، رسالة للفنانة شيرين عبد الوهاب وشقيقها.

تحيا مصر يرصد في ذلك التقرير رسالة حسام حبيب لـ شيرين عبد الوهاب وشقيقها

حسام حبيب لـ شقيق شيرين عبد الوهاب: بيني وبينك ربنا

قال حسام حبيب لـ محمد عبد الوهاب: “ربنا يهديك، وهاخد ضده إجراء قانوني مش هتنازل لو اتطبقت السما على الأرض، وحسبي الله ونعم الوكيل فيك وبيني وبينك ربنا”.

وتابع حسام حبيب ردا على اماكنية قيام شقيق شيرين عبد الوهاب بتحليل له: “أنا هعمل التحليل بمزاجي عشان أثبت انه هو غلط لكن هو يعملي التحليل بناءا على ايه، أنا مش غبي انا راجل مثقف وعارف اني ماشي صح مية في المية، ياناس فكروا بالعقل، ليه مقولتوش ان شيرين في الحالة دي وهي بتشتمني على الهوا”.

حسام حبيب لـ شيرين عبد الوهاب: حياتك لازم تتغير وقرايبك لازم يتنسفوا

بينما قال حسام حبيب لـ شيرين عبد لوهاب: “لو متعلمتيش الدرس المرة دي يبقى انتي اللي عايزة كدة لأن مفيش بعض اللي حصل حاجة تتعمل خلاص، انتي هتعملي اي في حياتك لازم حياتك دي تتغير وتتنسف حتى لو أقرب الناس كدة، لو كان الناس اللي حوليا بيدمروني كدة كنت هسيبهم، انتي نجاحك أكبر منك بكتير وعندك حاجات كتير معلمتهاش".

وعن ما يمكنه حسام حبيب فعله لـ شيرين: “أنا مخي مشلول ودلوقتي معنديش حاجة أقولها غير أفوض أمري لله، أهلي صعبانين عليا جدا وهما أنضف بكتير من اللي بيحصل ده أنا بقيت أتكسف أروحلهم، وأنا معرفتش أحتوي شيرين ودا غلطتي".

حسام حبيب: شيرين قالتلي أنا عرفت قيمتك

وسبق وأن قال حسام حبيب:  “شيرين جابت ولدتها وقالتها أنا وحسام حبيب اتصالحنا، وهي قالت لمامتها أنا مرتاحة يماما وهو ده اللي هيريحني، وأنا مش شيم الأدب أردلك كرامتك واعتبارك قدام الناس، ووقتها قولتلها اني أهم حاجة عندي تثبتي للناس ان حسام حبيب وشيرين عبد الوهاب مش عايزين بعض يتألموا”.

واستكمل: “شيرين قالتلي عرفت قيمة كل اللي بتعمل وهقف في ضهرك وأخليك أحسن من أي حد، وقولتها وري للناس ان شيرين من أحسن الناس”.