حسام حبيب: عمري ما أخدت من شيرين فلوس وكنت بتحارب من أهلها عشان بحميها منهم

خرج الفنان حسام حبيب ليكشف لأول مرة عن سر طلاقه من شيرين عبد الوهاب، وذلك خلال مداخلة هاتفية مع الإعلامي عمرو أديب في برنامج الحكاية، المذاع علعى قناة mbc مصر.

تحيا مصر يرصد في ذلك التقرير تصريحات حسام حبيب في الحكاية

حسام حبيب: شيرين حلقت شعرها عشان تجبر نفسها انها تتطلق مني

قال حسام حبيب: "عمري ما أخدت فلوس من شيرين وكان هدفي إني أكبر فلوسها، وأما حصل الطلاق بينا، قصت شعرها عشان تجبر نفسها وتجبرني ان العلاقة دي تنتهي، وانهارت أما شوفتها حلقت شعرها، ولحد قبل الصلح مكنتش علاقتي بيها موجوده، لحد ما حصل الصلح، سألتها انتي حلقتي شعرك ليه، طلع عشان تجبر نفسها انها تقول إن العلاقة دي انتهت بس هي منتهتش".

وأضاف حسام حبيب: “هي معرفتش تتخلص من حبي، واتحط عليه مشكلة أكبر مني ومنها، أنا حتى أما بشوف اللي بيحصل دلوقتي دا حلم مش حقيقة، أنا مكنتش ببعد الناس عنها، أنا كنت عايز أبعدها عن الناس اللي بيسرقوها وبعدها رجعنا لبعض تاني، والطلاق عشان كنت ببعدها من الناس اللي حربتني عشان تاخد فلوسها".

ازمة حسام حبيب وشيرين عبد الوهاب

جدير بالذكر، أنه سبق وانتشر تسجيل صوتي مسرب لـ حسام حبيب، قال فيه: "شيرين أكبر غلطة غلطتها في حياتي وأنا اتصدمت فيها صدمة عمري، مش عايز أسمع اسمها تاني ولا أشوفها في حياتي تاني وتنسى انها عرفت حسام في حياتها ومن اللحظة دي معرفش حد بالاسم ده”.

وبرأت سارة الطباخ، مديرة أعمال الفنانة شيرين عبد الوهاب سابقا، نفسها هي الأخرى من أزمة الفنانة الأخيرة، فقالت خلال مداخلة هاتفية مع الإعلامي عمرو أديب لـ برنامج الحكاية: " تم الزج باسمي بدون مبرر أنا كنت خايفة على شيرين وعايزة أطمن عليها، بعد ماحسام حبيب  اتصل بيا وقالي ان شيرين عبد الوهاب اتعرضت للضرب من أخوها وانها مختفية من يوم الخميس ومحتجزها عنوة في المستشفى، دخلت ياسر قنطوش عشان هو المحامي بتاعي وبتاع شيرين عبد الوهاب وحسام حبيب حاول كتير يوصل لناس كتير يساعدوها  لكن معرفش والسبب انه يلجألي انه عارف اني عارفة ياسر قنطوش".

وتابعت: "حاولت أتواصل معاها بس مدبرة المنزل قالت إنها مسافرة، ومعرفتش اتواصل مع أخوها عشان مش معايا رقمه الجديد، محمد عبد الوهاب لو كان شايف انه بيعمل حاجة صح لـ شيرين كان كلمني، لكن هو ساعد إنه يشوه صورة شيرين قدام الناس أكتر”.