حسام حبيب: أهل شيرين عبد الوهاب كانوا بينهبوها ورصيدي كان أكترمنها قبل الجواز

خرج الفنان حسام حبيب، طليق الفنانة شيرين عبد الوهاب لـ يكشف لأول مرة تفاصيل أزمة الفنانة، وذلك من خلال مداخلة هاتفية مع برنامج “الحكاية”، الذي يقدمه عمرو أديب عبر قناة mbc  مصر.

تحيا مصر يرصد في ذلك التقرير تصريحات حسام حبيب خلال برنامج الحكاية

حسام حبيب يبرأ نفسه من أزمة شيرين عبد الوهاب

قال حسام خلال البرنامج: “أنا مندهش من الهجوم، لكن ده من شهر نوفمبر اللي فات وهو مش بيقف عليا، أنا مش بتكلم عشان أبرأ نفسي، بس نفسي يسمعوا وجهة النظر وطريقة التفكير وكل واحد في الأخر يحكم حكمه، ويقول اللي عايزه".

وتابعت حسام حبيب: “بداية الخلاف كان عن موضوع الشعر، وهي قالت إن السبب والدتي اللي طلقتني، علاقتي بيها كانت مبنية على الصداقة ومكنتش اتخيل اننا نبقى اتنين متجوزين، وهي استنجدت بيا عشان تخرج من المحيط اللي هي فيه، وكانت بتقولي إني بتنهش وبتقطع، حياتي كلها كأني ازاي أساعدها في شغلها حتى لو فشلت أو نجحت المهم أسعادها”.

حسام حبيب: أهلها كانو بينهابوها وهي كانت بستنجد بيا أنقذها منهم

واضاف: “وجودي مكنش محبب من الناس اللس حواليها، لأنهم اكتشفوا ان الحنفية اتقفلت، شيرين كان عندها رقم صادم في البنك، أنا كان عندي فلوس أكتر منها بكتير من قبل ما نتجوز، هي عندها نجاح واسم لكن مش بترجم لاي حاجة خالص، شيرين كانت منهوبة وأنا كنت العدو الأول لأي حد يعمل كدة”.

واستكمل: “شيرين كانت منهوبة من الناس اللي عايشين من خيرها، كانت بتأكلهم وتشربهم وكانوا عايزين يمتلكهوها، وكان هدفهم ان الشخص ده لازم يمشي، ومش هنكر انهم نجحو”.

ازمة شيرين عبد الوهاب

وتمر الفنانة شيرين عبد الوهاب خلال الفترة الحالية بأزمة صحية شديدة نقلت على إثرها إلى إحدى مستشفيات الأمراض النفسية، وذلك بعدما اعترف شقيقها ووالدتها بـ إدمان المخدرات وذلك خلال مداخلة هاتفية مع الإعلامي عمرو أديب خلال برنامج “الحكاية”، المذاع على قناة mbc مصر.
فقال محمد عبد الوهاب: "شيرين كانت بتتعاطى مخدرات مع حسام حبيب في شقة بالتجمع، وأنا روحت شقة التجمع دي عشان أخد شيرين للمستشفى تتعالج، والنيابة بتحقق مع المستشفى اللي هي فيها دلوقتي".

أما عن والدة شيرين عبد الوهاب، فأضافت: "بعد حفل شيرين الأخير، حسام حبيب جالها وقعدوا داخل الاستوديو لمدة ٣ أيام يتعاطوا مخدرات، بعد تعاطيها للمخدرات مع حسام حبيب اتخانقت خناقة معايا أنا واختها وقامت بطردنا من المنزل وكانت هتطرد بناتها وهي تحت تأثير المخدرات، قولتلها انتي ايه اللي بتعمليه دا .. قالتلي انا شيرين عبد الوهاب وعارفه بعمل ايه كويس .. ويلا برا من بيتي كلكم".