انتش واجري السبب في قرار سلوى خطاب بعدم الإنجاب| تفاصيل

تحدثت الفاننة سلوى خطاب عن قرارها في عدم الإنجاب، مشيرة إلى أنها لن تكون قادرة على تحمل مسؤوليتهم وتربيتهم تربية حسنة، خاصة في ظل الظروف التي يمر بها المجتمع المصري في هذه الأيام من إنحدار.

تحيا مصر يرصد في ذلك التقرير تصريحات سولى خطاب عن عدم الإنجاب

سلوى خطاب تكشف السر في عد إنجابها

قالت سلوى خطاب خلال حلولها ضيفة على برنامج “كلام الناس”، الذي تقدمه الإعلامية ياسمين عز عبر قناة “mbc مصر”: “مبفهمش يعني أجيب أطفال ومتحملش مسؤوليتهم، كان لازم أتفرغلهم وكنت أنا استهلكت في الجواز، ومكنش عاجبني المجتمع كنت حاسة ان لو خلفت فيه كنت هتعب ومش بفهم يعني تربية حديثة والجو ده مش بتاعي، وكنت زماني متجرجرة كل يوم في القسم عيالي عملنلي محضر”.

وتابعت حديثها: كان هيبقى نقطة ضعفي أطفالي، ازاي أجبهم ويطلعوا يسمعوا انتش واجري، مكنتش هقد أشوفهم بالشكل ده.

سلوى خطاب عن الست المصرية: كل صفاتها حلوة

وتطرقت سولى خطاب بحديثها عن أجمل صفات الرجل والمرأة، فقالت: الرجل لازم يكون قوي الشخصية ومحترم في أرائه وأحاسيسه، والست كل صفاتها حلوة ودي حقيقة انتي مالك بيها حنونة وبتاخد بالها من ولادها وبتتفاني وبكلمة بتكون طايرة من الفرحة، والراجل الذكي اللي بيسعد الست اللي معاه عشان هي تسعده".

سلوى خطاب: أهلى كانوا عايزين يجوزوني في إعدادي

وكشفت سلوى خطاب عن رغبة جدها وجدتها في تزويجها وهي في المرحلة الإعدادية، فقالت: “كان فيه مدرس في الأزهر بيجي يدرسلي 4 ساعات وجدي معانا، فكنت أدخل أقولهم اتخانقت كفايا كدة، وكنت في إعدادي مش كبيرة، ودخلت جدتي قالتلي اي رأيك فيه، اصل جدك بيفكر، وقولتلها لا مش هينفع، وعادة البنات عندنا بيتجوزوا صغيرين”.

وعن مصطلح تريند فقالت: “مبهتمش بيه وكان يوم اسود يوم ما اخترعوه، المفروض نعيش كبني أدم طبيعي، مش ممكن كل الناس بتشتم في كل الناس، طب ده كلام”.

واختتمت حديثها، بالكشف عن سبب عدم خلافها مع أي نجوم من زملائها، فقالت: لما ببقى في عمل ببقى نفسي كل الناس كويسة، ومش بشغل دماغي بالتفاهات، مش ببص لـ دي لابسة اي ولا حاطة اي ولا كدة، وديما بسعى انه كله يطلع شكله حلو.