بسبب دعمها للرجال.. سلوى خطاب لـ ياسمين عز: بكرة نشوفك متجرجرة من شعرك

دخلت الفنانة سلوى خطاب في جدال مع الإعلامية ياسمين عز، خلال حلولها ضيفة على برنامج “كلام الناس”، المذاع على قناة mbc مصر، وذلك بسبب تصريحات ياسمين عز عن العلاقة بين الرجل والمرأة.

تحيا مصر يرصد في ذلك التقرير صدام سلوى خطاب مع ياسمين عز

جدال سلوى خطاب وياسمين عز عن علاقة الرجل بالمرأة

كشفت سلوى خطاب عن رأيها في العلاقة بين الرجل والمرأة، مشيرة إلى أن النجاح يأتي بتعاون الرجل مع المرأة، مضيفة: مينفعش حد فيهم يعادي التاني.

واستكملت سلوى خطاب حديثها لـ ياسمين عز: “ كان عندي واحدة صحبتي أرائها زيك فكنت بقولها هستنى أما تتجوزي وأشوفك اما تبقى متجرجرة من شعرك واتجرجرت فعلا”، لتمازحها ياسمين عز، قائلة: “أنا ضد الجرجرة”.

وأكدت سلوى خطاب بأنه لا يجوز وضع مسؤولية العلاقة على المرأة فقط، فضروري أن يكون الرجل عليه جزء من العلاقة فمثلما يجب على المرأة أن تكون جميلة، يجب أن يكون الرجل جميل أيضا، لترد عليها ياسمين عز: “الراجل جميل لوحده مش محتاج يعمل حاجة”.

واختتمت سلوى خطاب حديثها: “خليكي شوية مع الستات عشان تبقى حلوة بلاش أرائك اللي مش مفهومة دي”.

تصريحات ياسمين عز المثيرة للجدل

من ناحية أخرى، كانت قد تصدرت الإعلامية ياسمين عز مؤشرات البحث عبر مواقع التواصل الإجتماعي المختلفة، وأصبحت حديث السوشيال ميديا لساعات طويلة، وذلك بسبب تصريحتها الجريئة ودفاعها المستمر عن الرجال، اذ قالت في أخر تصريحتها: “جوزك دايمًا محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده،  هو محتاج دايمًا يكون شايف قدامه المزة بتاعته، البنت اللي ساب ستات الدنيا واختارها عشان يكمل معاها، وتكون شريكة حياته".

نصيحة ياسمين عز للنساء

وتابعت: “نصيحة أخيرة أوعي تزعقي أو تعلي صوتك، عشان وقتها الراجل بيشوفك راجل زيه، مش واحدة ست، خلي دايمًا صوتكك واطي وطبعك هادي، وبشوشة حتى لو هتمثلي، لحد ما يبقى الموضوع فيكي حقيقي، متبقيش نكدية عشان النكدية بتبقى كتلة نار بتحرق البيت كله، اتمنى تكوني سألتك انتي مقصرة في حق جوزك ولا لا".