ياسمين عز تهاجم جروبات "الستات": ازاي بتحكي تفاصيلك مع جوزك في أوضة النوم للناس؟

بدأت الإعلامية ياسمين عز حلقة اليوم الجمعة من برنامجها “كلام الناس”، المذاع على قناة mbc مصر، بالحديث عن جروبات النساء على مواقع التواصل الإجتماعي.

تحيا مصر يرصد في ذلك التقرير تصريحات ياسمين عز الجديدة في برنامج كلام الناس

ياسمين عز: متفتشيش ورا جوزك و البيوت أسرار متفضحوش نفسكم بنفسكم

وقالت ياسمين عز خلال البرنامج: “جروبات الستات خدت سكة تانية خالص، احنا بقينا مختصين إننا نبوظ أي حاجة حلوة.. ليه أما ربنا يبقى ساتر بني أدم يفضح نفسه، ليه تحكي التفاصيل اللي بتحصل بينك وبين جوزك في أوضة نومك لناس متعرفهمش، مش مستوعبة اي المغزى من اللي بتعملوه ده.. البيوت أسرار متفضحوش نفسكم بنفسكم”.

وتابعت حديثها: “في ناس بتبقى شاتمة جوزها وناس بتروح تنزله على جروبات تاني عشان تفضحها، المصيبة والكارثة ان اللي بتعمل كدة بتكون أقرب حد ليكي وكاتمة أسرارك”.

واختتمت ياسمين عز حديثها: “عمر ما الست تفتش ورا جوزها وترجع مبسوطة.. أنا عيزاكي مبسوطة فمتفتشيش في موبايل جوزك”.

تصريحات ياسمين عز المثيرة للجدل

من ناحية أخرى، كانت قد تصدرت الإعلامية ياسمين عز مؤشرات البحث عبر مواقع التواصل الإجتماعي المختلفة، وأصبحت حديث السوشيال ميديا لساعات طويلة، وذلك بسبب تصريحتها الجريئة ودفاعها المستمر عن الرجال، اذ قالت في أخر تصريحتها: “جوزك دايمًا محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده،  هو محتاج دايمًا يكون شايف قدامه المزة بتاعته، البنت اللي ساب ستات الدنيا واختارها عشان يكمل معاها، وتكون شريكة حياته".

نصيحة ياسمين عز للنساء

وتابعت: “نصيحة أخيرة أوعي تزعقي أو تعلي صوتك، عشان وقتها الراجل بيشوفك راجل زيه، مش واحدة ست، خلي دايمًا صوتكك واطي وطبعك هادي، وبشوشة حتى لو هتمثلي، لحد ما يبقى الموضوع فيكي حقيقي، متبقيش نكدية عشان النكدية بتبقى كتلة نار بتحرق البيت كله، اتمنى تكوني سألتك انتي مقصرة في حق جوزك ولا لا".