مشادات كلامية حادة بين صبري فواز وهيثم نبيل بسبب نقيب الموسيقيين| القصة كاملة

رد المطرب هيثم نبيل على سخرية الفنان صبري فواز من أغنية “قشطة يابا” للنقيب مصطفى كامل، وذلك عبر حسابه الرسمي بموقع التواصل الإجتماعي فيسبوك.

تحيا مصر يرصد لكم القصة الكاملة لمشادات هيثم نبيل وصبري فواز بسبب نقيب الموسيقيين 

هيثم نبيل يرد على سخرية صبري فواز من النقيب 

في بداية الأمر، قام الفنان صبري فواز بمشاركة متابعيه عبر حسابه الرسمي بفيسبوك منشور له، كان محتواه: “عاوزين حد متخصص من نقابة المهن الموسيقية يفهمنا ويعلمنا.. ايه الفرق بين المهرجانات، وقشطة يابا”.

الأمر الذي أثار جدلًا كبيرًا، وشن الجمهور حملة من الهوج على صبري فواز، كان من أبرزهم المطرب هيثم نبيل، الذي شارك هذا المنشور لصبري فواز، وعلق عليه: استاذ صبري الحقيقة البوست ده غير موفق لانه تم استغلاله استغلال سيء وانا مش هعتبره بوست ساخر وهفترض حسن النية.

وتابع: اسمحلي انا ارد علي حضرتك نقابة الموسيقيين محتاجة ادارجي مش بيتهوفن زي ما الدكتور اشرف ذكي مش اقواكم تمثيلًا ولكنه النقيب الأنجح في العموم.. واحنا جربنا الوجهات المشرفة والنتيجة مكانتش أحسن حاجة وللعلم مصطفي كامل شاعر كبير وتاريخه ممكن حضرتك تبقي مش ملم بيه.

هيثم نبيل لـ صبري فواز: مصطفى كامل النقيب الأنجح في كل القامات 

وأضاف هيثم نبيل: لكنه لايقتصر علي قشطة يابا اللي هي أغنية داخل فيلم زي لو حضرتك لو في فنان عمل دور غير لائق اجتماعيًا مش هنحسبه علي حياته الشخصية وللعلم في الدورة الاولي انا كنت مستغرب ان شاعر يبقي نقيب الموسيقيين وللعلم برضو انا عمري ما قابلته ولا في سابق معرفة الا انه النقيب اداريًا الانجح من كل القامات اللي تحب تشوفهم في النقابة.

واختتم نبيل كلامه: واخيرًا لا فرق بين قشطة يابا والمهرجانات وأي نوع اغاني من حق الكل يقدم النوع اللي يحبه وليه ناسه اللي بتسمعه مع التحفظ علي بعض الكلمات اللي دور الرقابة تمنعها وفعليًا المهرجانات مبتعديش علي رقابة، أنا عارف ان البوست بتاع حضرتك  بطعم الحريات بس صياغة غير موفقة.. كنت اتممى لما تكتب بوست المفترض انه غير ساخر وتلاقيه بقي مادة للسخرية تمسحه.. احيانًا في بوستات بتنجحلنا بتنسينا إنه علي حساب جرح ناس تانية وانا متفهم انك اكيد غرضك شريف.

صبري فواز يرد على هيثم نبيل: قشطة يابا كانت في سياق الدراما.. مصطفى كامل عظيم 

وبعدها رد الفان صبري فواز على منشور هيثم نبيل، عبر حسابه الرسمي بموقع التواصل الإجتماعي فيسبوك، قائلًا: غنوة “قشطة يابا”.. كانت في سياق الدراما وأستاذ مصطفى راجل عظيم، والمهرجانات وحشة وحشاااااااة وكخة خالص.

وتابع فواز: وانا اتعلمت كتير من الردود و الرسايل الكتيرة.. بس يا جدعان علمونا بالراحة من غير شتايم.. اللي بيعلم حد، يعلمه بالراحة من غير شتيمة لاحسن كده التلاميذ هاتهرب ومش هايتعلموا.

واختتم كلامه: واللي بيدافع عن الأخلاق “زي حضراتكم كده”  ماينفعش يشتم.. قشطة يابا ؟