رضوى الشربيني: أغنية لـ شيرين عبد الوهاب غيرت حياتي.. وهي دفعت فاتورة اختيارها

حرصت المذيعة رضوى الشربيني التعليق على أزمة الفنانة شيرين عبد الوهاب الأخيرة، وذلك اليوم ببرنامج “هي وبس” الذي يذاع على شاشة تلفزيون قناة “سي بي سي سفرة”.

تحيا مصر يرصد تصريحات رضوى الشربيني عن شيرين عبد الوهاب

حيث قالت رضوى الشربيني: “شيرين في المكان اللي هي فيه دلوقتي ربنا وحده اللي يعلم بيها احنا ملناش دعوة الست اختارت غلط أو صح، أهي اختارت وعاشت تجربة سيئة وأخدت النتيجة بتاعتها وهي اللي دفعت فاتورتها، واحنا كلنا عمالين نحكي في المحكي، أرجوكم لما تطلع بلاش تسمع كلام بايخ”.

أغنية لـ شيرين عبد الوهاب تغير حياة رضوى الشربيني

ومن جانبه، أوضحت المذيعة رضوى الشربيني أن أغنية للفنانة شيرين عبد الوهاب غيرت من حياتها، حيث قالت: “شيرين كانت السبب بأغنية أني أغير حياتي وأخد قرار مصيري جدا لمجرد أني سمعت الأغنية بتاعها”.

شقيق شيرين عبد الوهاب يتهمها بتعاطي المخدرات

ويذكر أن السيد محمد عبد الوهاب شقيق المطربة شيرين عبد الوهاب قد كشف في مداخلة هاتفية له ببرنامج الحكاية مع الإعلامي عمرو أديب عن تعاطي شقيقته للمواد المخدرة مع طليقها، حيث قال: "شيرين كانت بتتعاطى مخدرات مع حسام حبيب في شقة بالتجمع، وأنا روحت شقة التجمع دي عشان أخد شيرين للمستشفى تتعالج، والنيابة بتحقق مع المستشفى اللي هي فيها دلوقتي".

كما قالت والدة شيرين عبد الوهاب في نفس المداخلة التلفزيونية: "بعد حفل شيرين الأخير، حسام حبيب جالها وقعدوا داخل الاستوديو لمدة ٣ أيام يتعاطوا مخدرات".

وتابعت: "بعد تعاطيها للمخدرات مع حسام حبيب اتخانقت خناقة معايا أنا واختها وقامت بطردنا من المنزل وكانت هتطرد بناتها وهي تحت تأثير المخدرات، قولتلها انتي ايه اللي بتعمليه دا .. قالتلي انا شيرين عبد الوهاب وعارفه بعمل ايه كويس .. ويلا برا من بيتي كلكم".

رضوى الشربيني تدافع عن ياسمين عز

ومن الجدير بالذكر أن رضوى الشربيني دافعت في وقت سابق عن المذيعة ياسمين عز بعد تعرضها للتنمر، حيث قالت الشربيني خلال برنامج Et بالعربي: “أنا بعيدة خالص عن السوشيال ميديا، لكن بشكل عام برفض التنمر تماما شكلا وموضوعا سواء على ياسمين عز وأي واحدة، من التنمر السلبي اننا بنمسك بنت أو اي واحد ونتريق عليها عشان نبقى تريند، وأنا مقتنعة إن الإعلامية لازم يكون كلامها حلو زي مظهرها ويكون عقلها واعي لأن الجمال سبب من أسباب النجاح ولكن مينفعش نعتمد عليه”.