دياب: زعلان من مصطفى حجاج بسبب أغنية "بمية وش"

تحدث الفنان دياب عن مشاركته في أغنية “بمية وش” مع النجم تامر حسني، حيث كشف لأول مرة عن تفاصيل خوضه تلك التجربة والسر وراء استيائه من مصطفى حجاج.

تحيا مصر يرصد تفاصيل مشاركة دياب في أغنية “بمية وش”

حيث قال دياب لـ برنامج “أسرار النجوم”: “أغنية بمية وش من التجارب العظيمة، أنا فوجئت بيوم الصبح فجاة لقيت وليد منصور المنتج بيكلمني وساعتها كانوا بيعملوا فيلم البدلة بتاع تامر حسني وأكرم حسني.. فقالي بقولك ايه تعمل الغنوة أنت وتامر فقولتله ياريت فقالي تامر هيكلمك”.

مشاركة دياب في أغنية “بمية وش”

وتابع دياب حديثه قائلًا: “وفعلا تامر كلمني فقالي بقولك ايه تعالى نعمل الغنوة مع بعض.. وكنت فاكر الأول ان الأغنية هتبقى دعاية للفيلم مكنتش أعرف أنها في ألبوم تامر فقولتله يالا.. بس عايزين حد معانا فقالي فيه مطرب مكلمه فقولتله لو أنت شايف أنه هيليق علينا احنا الاتنين تمام”.

وأضاف: “فقولتله ايه رأيك في مصطفى حجاج هو بيغني حلو دلوقتي وأغانيه ناجحة ومكسرة الدنيا مع أن مصطفى بيطلع يقول قصة غير دي خالص بس أنا بقول الحقيقة وتامر حي يرزق”.

السر وراء غضب دياب من مصطفى حجاج

وكشف الفنان دياب السر وراء استيائه من مصطفى حجاج قائلًا: “وتامر وافق وقالي فكرة حلوة وبعدها بيومين تامر أخدنا الأستديو وسجلنا الأغنية لكن فوجئنا أن هو كمان جاب عم أحمد شيبة”.

واستطرد: “ومصطفى حجاج بيطلع يحكي القصة غلط، يعني ليه أنت بتقول أنك كنت على الغنوة أنت وتامر حسني وبعد كدا تامر جابني مع شيبة.. والموضوع مش كدا خالص”.

دياب والسينما

ومن جانبه، أوضح الفنان دياب السبب وراء ابتعاده عن السينما، حيث قال لـ برنامج “أسرار النجوم”: “بتمنى طبعا أتواجد كتير في السينما، بس في رأيي المنتجين مبقوش عندهم الجرأة الكافية زي الجيل اللي فات في اكتشاف النجوم الجداد".

وتابع: "والإنتاج الفني مقامرة زي أي تجارة في الدنيا، ولكن فكرة أني طول الوقت بدور عن الفنان الناجح فقط وأنتج ليه دا مش صحيح، ولكن فكرة اللعب دايما على المضمون فهو سينتهي ويخلص، فيه متغيرات، لازم يكون فيه تفريخ لوجوه تانية عشان ميجيش وقت ومنلاقيش وجوه جديدة، اللعب على المضمون مفهوش متعة”.