إبراهيم عيسى عن هجوم مصطفى درويش: “ممثل أقل من الثانوي.. وربنا يهديه”

علق المؤلف والكاتب إبراهيم عيسى على هجوم الفنان مصطفى درويش، وذلك في لقائه ببرنامج حبر سري مع أسما إبراهيم على قناة القاهرة والناس.

تحيا مصر يرصد لكم تعليق إبراهيم عيسى على هجوم مصطفى درويش

وقال الكاتب إبراهيم عيسى: ردي ولا اي حاجة، ممثل في دور اقل من ثانوي وانا لا اختارته ولا اعرفه، وهو حر وربنا يهديه وينجحه في أدواره، ومحركش فيا لا ساكن ولا متحرك.

إبراهيم عيسى عن أصحاب ولا أعز: اللي هاجم الفيلم عنده أفكار سلفية

وقال إبراهيم عيسى: مش كل الناس هاجمت الفيلم، واللي هاجمة عنده أفكار سلفية، والفيلم ده نسخة عربية لفيلم مشهور، ومعرفش استاذ اياد نصار اعتذر عن ايه بالظبط.

وتابع: منى زكي حُملت بهجوم شديد جدًا على حملة ليس وراها إلا الفكر السلفي الضيق، واستاذنا عادل إمام وخالد الصاوي عاملين فكرة الشذوذ دي قبل كده، وده مش معناه دعوة إليه أو تمجيد وتعظيم ليه.

إبراهيم عيسى عن انتقاده: دي انطباعات.. وكلمة بحبك مباشرة

أما عن الإنتقادات التي يتعرض لها، قال: الأراء دي انطباعات تعني إن الناس اللي بتقول كده مش مذاكرة دراما حتى، ودول مش نقاد دي انطباعات.

وأكد على كلامه، قائلًا: ومشهد احنا رجالة ووقفنا وقفة رجالة، ولو انت عايز تقيم الكلام مباشر ماشي، ولما بطل وبطلة في فيلم بيعبر عن حبه ليها المفروض يقولها بحبك.. وكلمة بحبك أو أحبك في أي عمل فني كلمة مباشرة.

إبراهيم عيسى عن أكثر الروايات التي لفتت نظره

وعن الروايات التي لفتت نظره لبعض الكتاب الأخرين، ومن الممكن أن يحولها لعمل فني، قال: روايات كتير، للأستاذ نجيب محفوظ “اللص والكلاب” ممكن تتعمل برؤية عصرية وتبقى سيناريو عظيم، في كتير من العصر الحديث زي الرواية الساحرة اللي ممكن أعملها “طبيب أرياف” وبقول لأي منتج لو عايزها يلا نعملها.

وعن قابلية تأليف عمل يناقش قانون من الأحوال المدنية مثل “فاتن أمل حربي” قال: هيكون قانون إزدراء الأديان،  من زاوية إن الناس من حقها تنتاقش مش يودوا بعض المحاكم أو يحبسوا بعض، أكبر شئ يزدري الأديان هو ازدراء الأديان بس مش هلاقيله مخرج.