إبراهيم عيسى عن يحيى في فاتن أمل حربي: هو ما أتمنى أن يكون عليه الشيخ الحديث.. وزي الإمام محمد عبده

تحدث المؤلف إبراهيم عيسى عن شخصية الشيخ يحيى بمسلسل فاتن أمل حربي، خلال لقائه ببرنامج حبر سري الموسم الثالث، وكشف بعض التفاصيل الهامة عنها.

تحيا مصر يرصد لكم تصريحات إبراهيم عيسى عن شخصية الشيخ يحيى 

إبراهيم عيسى عن شخصية الشيخ يحيى: كان زي الإمام محمد عبده 

وقال المؤلف: هو بمثابة ما اتمنى أن يكون عليه الشيخ الحديث، وهذا حلم أتمنى أن يتحقق، والنوعية دي كانت من 70 سنة، زي الدكتور عبد المتعال الصعيدي، والدكتور شلتوت، والإمام محمد عبده، وبعض ما قاله شخصية الشيخ يحيى دي فتاوى حرفية للإمام محمد عبده.

وأردف: لازال الفكر الإخواني والسلفي مسيطر على أفكار المصريين، والمحصلة طول مافي هذه الأفكار حتى لو فكرة قذرة لا تموت، واحنا لازم نحارب الفكرة دي، زي كل أفكار الإخوان زي الخلافة الإسلامية والحجاب فرض على المسلمة، ودي مش أفكار الأساتذة والآمة، وأنا مش بخلق أفكار جديدة، أنا بعيدها.

وأضاف إبراهيم عيسى: وأنا لا أقول كلام غريب، زي ختان الإناث، ولما جم اكتشفوا إنه في الدين وإنه جريمة، بقى صدمة لقطاع كبير، زي حق السعاية لما المرأة تاخد أجرة، زي الكلام عن حق الإرضاع أو أجرة الرضاعة، كل ده موجود في الدين وأنت مش بتبذل جهد عشان تعرفها.

واختتم كلامه بهذا الشأن، قائلًا: الدين منزلش من السماء وأملى عليك في حاجة ولازم يقولها الإمام كذا قال كذا ويعرض 5 أو 10 حاجات والشخص ياخد منهم، والمصحف لا ينطق إنما ينطق الرجال.

إبراهيم عيسى عن قابلية تأليف عمل فني يناقش قانون ما مثل "فاتن أمل حربي"

وعن قابلية تأليف عمل يناقش قانون من الأحوال المدنية مثل “فاتن أمل حربي” قال: هيكون قانون إزدراء الأديان، من زاوية إن الناس من حقها تنتاقش مش يودوا بعض المحاكم أو يحبسوا بعض، أكبر شئ يزدري الأديان هو ازدراء الأديان بس مش هلاقيله مخرج.. وبيتم التعامل مع أي نقاش ديني على إنه ازداء أديان، وبيستخدم على طول بمثابة التهمة وده سيف على رقبة الناس.

إبراهيم عيسى عن الإنتقادات 

أما عن الإنتقادات التي يتعرض لها، قال: الأراء دي انطباعات تعني إن الناس اللي بتقول كده مش مذاكرة دراما حتى، ودول مش نقاد دي انطباعات.

وأكد على كلامه، قائلًا: ومشهد احنا رجالة ووقفنا وقفة رجالة، ولو انت عايز تقيم الكلام مباشر ماشي، ولما بطل وبطلة في فيلم بيعبر عن حبه ليها المفروض يقولها بحبك.. وكلمة بحبك أو أحبك في أي عمل فني كلمة مباشرة.