عزة بهاء عن رفضها الإرتباط: “مكتفية بكلبتي.. وابني الراجل الوحيد اللي في حياتي"

أكدت الفنانة عزة بهاء على صحة تصريحاتها بشأن عدم التفكير في الإرتباط مرة أخرى، وذلك خلال لقائها ببرنامج “كلام الناس” مع الإعلامية ياسمين عز، كما تحدثت عن نجلها لأول مرة.

تحيا مصر يرصد لكم تأكيد عزة بهاء على صحة تصريحاتها بشأن عدم التفكير في الإرتباط مرة أخرى

عزة بهاء: ابني الراجل الوحيد اللي في حياتي 

وقالت عزة بهاء: الكلام ده صحيح، وأنا بحب كلبتي جدًا، وابني الراجل الوحيد اللي في حياتي بصدق وقفلت باب الجواز وحرمت.

وعن شائعات زواجها من مخرج ما، قالت: كل ما بعمل مسلسل وينجح بيطلع عليا إشاعة وبقعد بعدها في البيت، وكنت برد الأول ودلوقتي لا، وأردفت متابعة عن عدد زيجاتها: اتجوزت مرة واتوفى، ومرة تانية واتطلقنا.

عزة بهاء تكشف معلومات عن نجلها 

وتابعت كشافة معلومات عن نجلها: أدهم عنده 28 سنة، وهو دايمًا يقولي يا مامي أنتي حشرية، ومبيسمعش كلامي كله بس لازم اقول.

وأضافت: كان طفل هادي وجميل ومتعبنيش حتى في الجامعة، اتعلمت بسببه اعمل الأكل اللي هو عايزة وبيحب كل يوم سفرة.

عزة بهاء عن ارتباط نجلها 

وعن ارتباط نجلها قال: هو يختار وأنا أعاين، لكن عمري ما افرض عليه.. وههتهم بكل التفاصيل وأدق التفاصيل، عشان مثلًا ابني بيحب الحيوانات، وهي تكون مبتحبش، فـ بلفت نظره إن ياخد باله ويكون في نوع من التنازلات، ونفسي اجوز ادهم واحدة تكون طيبة وبتحبه عشان لما تحبه هتقدر تستحمل الحاجات الوحشة والحلوة.

وعن رأيها في جلوس خطيبة نجلها بجانبه في السيارة، قائلة: حقها أصل ده جوزها، وامتى هتركب جنبه؟.. حقها أصل ده جوزها، وامتى هتركب جنبه؟ وهي لو طيبة ومن نفسها قالتلي اقعدي يا ماما تمام، ولو مقالتش عادي حقها وتبقى مبسوطة جنب جوزها أو خطيبها.