هالة صدقي تدعم شيرين عبد الوهاب: مغلطتش دي حبت واتجوزت.. وسيبوها في حالها

وجهت الفنانة هالة صدقي رسالة دعم للفنانة شيرين عبد الوهاب بعد أزمتها الأخيرة ووجودها في المستشفى، وذلك خلال تصريحات تلفزيونية لها.

تحيا مصر يرصد لكم رسالة دعم هالة صدقي للفنانة شيرين عبد الوهاب 

هالة صدقي: شيرين إنسانة قوية وعندها موهبة

وقالت هالة صدقي: البنت الصغيرة اللي بدأت بمجهودها وموهبتها ووصلت من أبسط مكان إلى مكان تقدر تعرض فيه صوتها وأكبر المسارح، دي أكيد إنسانة قوية وذكية وعندها موهبة قوية جدًا.

وتابعت هالة صدقي: شيرين عفوية وجميلة ومهتمة ببناتها وبتعلمهم أفضل تعليم، ومربية بناتها أفضل تربية، وهي مغلطتش، هي حبت واتجوزت.

هالدة صدقي: شيرين صدرت لينا الضحكة.. وسيبوها في حالها 

واختتمت صدقي، كلامها: شيرين عبد الوهاب ست عاطفية جدًا، وهي ما راحتش اتجوزت أي حد، هي اختارت حد بتحبه فأكيد هي لما تحس إنها اتهزمت وفشلت ده دمرها نفسيًا، شيرين صدرت لنا الضحكة والابتسامة، ولما حلقت شعرها طلعت وغنت ومطلبتش دعم من حد ولا حد يقف جنبها، ولا طلبت من الإعلام ينزل أخبارها، سيبوها في حالها هي هتقوم بالسلامة.

المشاهير تدعم شيرين عبد الوهاب 

ومن جانبه، دعم الفنان تامر حبيب، الفنانة شيرين عبد الوهاب، بعد أزمتها خلال الأيام الماضية، وذلك عبر حسابه الرسمي بموقع التواصل الإجتماعي فيسبوك.

حيث كتب: “شيرين عبد الوهاب واحدة من اهم الاصوات اللي غنت بالعربي في العالم كله، تعالوا نتمنالها تخرج من محنة صعبة هي بتمر بيها.. ونرحم من في الارض علشان يرحمنا من في السماء”.

بداية أزمة شيرين عبد الوهاب 

وكانت بداية الأومة بعدما كشف شقيق شيرين عبد الوهاب في مداخلة هاتفية له ببرنامج الحكاية مع الإعلامي عمرو أديب عن تعاطي شقيقته للمواد المخدرة مع طليقها، حيث قال: "شيرين كانت بتتعاطى مخدرات مع حسام حبيب في شقة بالتجمع، وأنا روحت شقة التجمع دي عشان أخد شيرين للمستشفى تتعالج، والنيابة بتحقق مع المستشفى اللي هي فيها دلوقتي".

كما قالت والدة شيرين عبد الوهاب في نفس المداخلة التلفزيونية: "بعد حفل شيرين الأخير، حسام حبيب جالها وقعدوا داخل الاستوديو لمدة ٣ أيام يتعاطوا مخدرات".

وتابعت: "بعد تعاطيها للمخدرات مع حسام حبيب اتخانقت خناقة معايا أنا واختها وقامت بطردنا من المنزل وكانت هتطرد بناتها وهي تحت تأثير المخدرات، قولتلها انتي ايه اللي بتعمليه دا .. قالتلي انا شيرين عبد الوهاب وعارفه بعمل ايه كويس .. ويلا برا من بيتي كلكم".