عزة بهاء: سيبت الجامعة الأمريكية عشان التمثيل.. وبقول ياريتني اشتغلت مهندسة ديكور

تحدثت الفنانة عزة بهاء سبب تركها الدراسة في الجامعة الأمريكية، وذلك خلال لقائها ببرنامج “كلام الناس” مع الإعلامية ياسمين عز.

تحيا مصر يرصد لكم تصريحات عزة بهاء عن سبب تركها الدراسة في الجامعة الأمريكية 

عزة بهاء: سيبت الجامعة الأمريكية عشان التمثيل.. وبقول ياريتني اشتغلت مهندسة ديكور

وقالت عزة بهاء: أنا سيبت الجامعة الأمريكية عشان أخش التمثيل معهد فنون مسرحية، ولما سبتها روحت المعهد الأول وبعدين روحت فنون جميلة ولو رجع بيا الزمن هعمل كده، بس بقول لو كنت اشتغلت مهندسة ديكور كان زماني مشغولة أكتر، وأنا بعمل جرافيكس وروسوم متحركة.

وتابعت: مندمتش على دخولي الفن، بس لما بتعب في أوردر بقول ياريتني ما دخلت الوسط.

حقيقة خلاف عزة بهاء ونشوى مصطفى 

وكشفتت عزة بهاء عن حقيقة وجود خلاف لها مع الفنانة نشوى مصطفى بسبب دور ما، قائلة:  نشوى دفعتي وصحبتي ومن شبرا هي حبيبتي، وعمري ما أنا أو هي ما عملناها، بس يمكن أنا في “بوابة الحلواني” اعتذرت وهي اشتغلته.

عزة بهاء في فيلم انتقام امرأة 

وصرحت عزة بهاء عن موقف تعرضت له خلال تصوير فيلم “انتقام امرأة”، قائلة: كنت بعمل فيلم سينما كان فيه الشحات مبروك “فيلم انتقام إمرأة”، أيام أفلام المقاولات ولاقيت الرجيسير بيقولي هما عايزين قميص نوم كت أو كومبليزون وبعد كده خدت قميص نوم بكم وروحت بيه التصوير وحصلت مشكلة كبيرة، بس عمل المشهد.

وعن وجود وجه مقارنة بينها وبين عايدة رياض في ارتداء مثل هذه الملابس في بعض المشاهد، لأنها من نفس جيلها، قالـ مشاهد عايدة رياض، هي ست قمر وطيوبة خالص، وزمان مكنش في تنافس أوي كده للدرجادي.

عزة بهاء عن دورها في الواد سيد الشغال 

وقالت عزة بهاء: الإفيه كان مكتوب في الاسكريبت لكن إن عادل إمام يمسكني من مناخيري ويرقص بيا مكنش مكتوب، وأي حد جنب الزعيم عادل إمام بينور، والدور ده مكنش دوري كان لبنت بس حصلها ظروف.

وتابعت عزة بهاء: كنت في الكواليس بشوف استاذ عادل بيعدي بس الناس بتضحك، وكنت بقول انا هدخل اعمل ايه وبنسى الكلام، واستاذ عادل كان بيطمني لحد ماتعودت، ومرة دخلت قولتله همشي بدري عشان ماشية مع صحابي، قالي يا عزة التحية جزء من العمل وكان في أسس وتعليم.