عزة بهاء عن مشهد لها بفيلم “انتقام امرأة”: طلبوا قميص نوم فـ جبتلهم واحد بكُم

كشفت الفنانة عزة بهاء عن موقف تعرضت له خلال تصوير فيلم “انتقام امرأة” وذلك خلال لقائها ببرنامج “كلام الناس” مع الإعلامية ياسمين عز.

تحيا مصر يرصد لكم تصريحات عزة بهاء عن مشهد لها في فيلم “انتقام امرة”

عزة بهاء: طلبوا قميص نوم وجبتلهم واحد بكُم 

وقالت عزة بهاء: كنت بعمل فيلم سينما كان فيه الشحات مبروك “فيلم انتقام إمرأة”، أيام أفلام المقاولات ولاقيت الرجيسير بيقولي هما عايزين قميص نوم كت أو كومبليزون وبعد كده خدت قميص نوم بكم وروحت بيه التصوير وحصلت مشكلة كبيرة، بس عمل المشهد.

وعن وجود وجه مقارنة بينها وبين عايدة رياض في ارتداء مثل هذه الملابس في بعض المشاهد، لأنها من نفس جيلها، قالـ مشاهد عايدة رياض، هي ست قمر وطيوبة خالص، وزمان مكنش في تنافس أوي كده للدرجادي.

عزة بهاء عن إفيه: "أنت شديد أوي مع الموظفين بتوعك يا سيد بيه" في الواد سيد الشغال 

وقالت عزة بهاء: الإفيه كان مكتوب في الاسكريبت لكن إن عادل إمام يمسكني من مناخيري ويرقص بيا مكنش مكتوب، وأي حد جنب الزعيم عادل إمام بينور، والدور ده مكنش دوري كان لبنت بس حصلها ظروف.

وتابعت عزة بهاء: كنت في الكواليس بشوف استاذ عادل بيعدي بس الناس بتضحك، وكنت بقول انا هدخل اعمل ايه وبنسى الكلام، واستاذ عادل كان بيطمني لحد ماتعودت، ومرة دخلت قولتله همشي بدري عشان ماشية مع صحابي، قالي يا عزة التحية جزء من العمل وكان في أسس وتعليم.

عزة بهاء عن دور والدتها رجاء سراج في المسرحية 

وعن تسريحة شعر وملابس والدتها الراحلة رجاء سراج في المسرحية، قالت: لبس ماما كان اتفاق بينهم من قبل ما يشتغلوا.

وأضافت: طول ما ماما كانت موجودة كنت مهتمة بشغلي أكتر، وكانت شايفة روحها فيا ومشجعاني ودايمًا تقولي مترفضيش أي عمل عشان ده رزق وكانت بتسندني جامد، وكنت مرتبطة بوالدتي جدًا وقريبة ليها، لما اتوفت عديت بفترة صعبة، وحضرت أول جوازي ونصحتني وطلع كلامها صح، وبابا مهندس بترول ومكنش موافق على دخولي الوسط، ولما لقا أعمالي بشكل معين بقى يقولي أنتي كويسة.