عزة بهاء: البيت خدني من التمثيل.. واشتكوا لـ أحمد بدير مني قبل كده لهذا السبب

حلت الفنانة عزة بهاء ضيفة برنامج كلام الناس، مع الإعلامية ياسمين عز عبر شاشة قناة mbc مصر وتحدثت عن سبب غيابها عن الوسط الفني، وحصرها في دور الهانم وغيرها من المواضيع.

تحيا مصر يرصد لكم تصريحات عزة بهاء في برنامج كلام الناس

عزة بهاء عن سبب ابتعادها عن التمثيل: “البيت خدني”

وقالت عزة بهاء عن سبب غيابها عن الوسط: أنا بشتغل بس قليل، مبحبش أعمل أي حاجة والبيت خدني شوية كتير من 20 سنة، وكنت بنزل اشتغل بس قليل، ومش كل الشغل اللي كان بيجيلي ببقى مبسوطة بيه، والبيت خدني بمزاجي.

وعن حصرها في أدوار الهوانم، قالت: حصروني في الأدوار دي، والشخصية الوحيدة اللي خرجت فيها عن الدور ده في مسلسل الليل وأخره، وكنت ببقى مضايقة وبقولهم الفنان بيعمل كل الأدوار وبعد شوية لاقيت إن دي شغلة المخرج.

عزة بهاء: مكنتش برضى اتصور مع الجمهور.. وبقول دي ناس معرفهاش

وعن بدايتها الفنية، قالت: أول ما بدأت شغل كنت بدخل خايفة وبشوف الناس مسلمش عليها، من التوتر، وبعد شوية لما تعودت قالولي لما تدخلي سلمي على الناس ولحد دلوقتي لما بدخل مكان جديد ببقى متحفظة ومباخدش على الناس بسرعة.

وحكت عزة بهاء عن موقف لها مع الفنان أحمد بدير، قائلة: مرة كنت بعمل مسرحية اسمها شقع بقع، واشتكوا لأستاذ أحمد بدير عشان مبرضاش أتصور مع الجمهور، وبقول ناس معرفهاش، وأحمد بدير قالي اتصوري مع الناس عادي، وكنت صغيرة وقتها ومعرفش مين دول، وبعد كده عرفت إن الوضع ده طبيعي ولازم اتقبله.

عزة بهاء: دور الأنسة كاف شهرني 

وعن الدور الذي ترك بصمة مع الجمهور، قالت: الأنسة كاف أول دور شهرني وبعديه في بيتنا رجل وهوانم جاردن سيتي، الناس كانت بتبقى فرحانة بيا عشان كنت لسه جديدة، وأنا كنت سعيدة جدًا بده.

عزة بهاء عن والدتها: عديت بفترة صعبة بعد وفاتها 

وقالت عن والدتها: كنت مرتبطة بوالدتي جدًا وقريبة ليها، لما اتوفت عديت بفترة صعبة، وحضرت أول جوازي ونصحتني وطلع كلامها صح.

وأردفت كاشفة رفض والدها دخولها الفن: بابا مهند بترول ومكنش موافق على دخولي الوسط، ولما لقا أعمالي بشكل معين بقى يقولي أنتي كويسة.