ميدو يوجه تحية خاصة لرابطة الأندية ويناشد: "زمن التأجيلات انتهى"

وجه أحمد حسام ميدو تحية خاصة لرابطة الأندية المُحترفة بعد إعلان مواعيد مباريات 29 جولة من الدوري المصري الممتاز هذا الموسم.

تصريحات أحمد حسام ميدو في الريمونتادا 

قال ميدو في تصريحاته عبر برنامج الريمونتادا على قناة المحور: "إعلان رابطة الأندية عن مواعيد مباريات 29 أسبوع من الدوري أمر مميز جدا قبل بداية الدوري لكن عشان الحلو يكمل لازم ميبقاش فيه مؤجلات.. لو نادي ايه هيلعب كأس عالم للأندية حتى، نلتزم بالمواعيد لو حصل ايه متأجلش بلاش نستخدم العواطف، زمن التأجيلات المفروض انتهى".

وأضاف: "لو قمنا بتأجيل المباريات هنبقى زي الدورة الرمضانية، وكل التحية لرابطة الأندية إنها أعلنت عن مواعيد 29 أسبوع من الدوري" 
وختم حديثه قائلا: "الإنجاز الأكبر التمسك بجدول مواعيد المباريات مهما كانت الضغوط".

ميدو: الدوري المصري أكتر مسابقة في العالم فيها "تعادلات"

كشف أحمد حسام ميدو بعض الظواهر السلبية التي يتمنى أن تختفي في الدوري المصري الممتاز خلال موسم 2022-2023، وقال ميدو في تصريحاته عبر برنامج الريمونتادا على قناة المحور: "في ظواهر لازم تختفي من ملاعبنا لو عايزين الدوري المصري يتطور، التعادلات الكتيرة أول حاجة، احنا أكتر دوري في العالم فيه تعادلات وده بيقتل المتعة والدوري، المدربين خايفين يخسروا وظيفتهم وده بيخليهم يخرجوا بالتعادل" 
أضاف: "ظاهرة تغيير المدربين لازم تتغير كل مدرب مش بيلحق ياخد فرصته كاملة، ومفيش نظام متكامل في كل نادي بخصوص المدربين من حيث الاستقرار".

وختم حديثه قائلا: "ظاهرة تغيير المدربين لازم تتغير ولازم مسؤولين الأندية يتعلموا إن آخر حاجة ممكن تتعمل إنك تغير مدرب".