ريحة البصل كلمة السر وراء فسخ خطوبة نرمين الفقي من سفير

كشفت الفنانة المصرية نرمين الفقي عن سبب فسخ خطوبتها من سفير، وذلك خلال حوار سابق لها مع الإعلامية نجوى إبراهيم عبر قناة النهار الفضائية.

تحيا مصر يرصد السر وراء فسخ خطوبة نرمين الفقي من سفير. 

نرمين الفقي تروي قصة فسخ خطوبتها

وقالت الفقي: «أول مرة جه هو والدته يتقدموا في بيتي اللي في القاهرة، قالت لي أنا مكونتش متصورة إن نرمين الفقي ساكنة في شقة صغيرة بالشكل ده».

وتابعت: «والدتي قالت لها إنها شقة والدتها.. فردت قالتلها طيب وانتوا بتعملوا إيه بالفلوس اللي معاكو، مش تعملي لنفسك فيلا كبيرة، أنا قلت هدخل ألاقي بيت محصلش».

وأضافت: «ابنها كان إنسان كويس، وكنت مبسوطة من علاقتي بيه لأنه كان إنسان لطيف، لكن مشكلته إنه ضعيف الشخصية»

واستطردت:«بعدها عملت ليها عزومة، ومكنتش لحقت أغير هدومي بعد الطبخ، وأنا بسلم عليها قالت لي إيه ده انت هتطلعي بريحة البصل دي».

واختتمت حديثها قائلة: «بعدين عزمتهم في فيلاتنا في الإسكندرية، وقلت لها ده بيتنا اللي كنتي عايزة تشوفيه، وكتر خير جدتي إنها ادتني شقتها عشان أعيش فيها في القاهرة، وعادي جدًا إني أعيش فيها، وبعدين بلغتها إني مش موافقة».

وتحدثت الفنانة نرمين الفقي موجه رسالة لوالدتها وهي تنهار من البكاء قائلة :«كل سنة وانتي طيبة وعايزة أقولها أن انتي وحشتيني ودايما فاكراها».

واضافت «الفقي» قائلة :«أنا بوصي كل ابن وابنة على والدتهم احنا بنسمع في الأيام، دي حاجات غريبة ناس بيرموا والدتهم عشان ميصرفوش عليها».

وتابعت :«مفيش أحسن من دعوة الأم وحضنها».

وأضافت :«أنا طردت الممرضة من عزاء والدتي بسسب أن احتديت على والدتي بسببها عشان قالتلي أنها عملت حاجة غلط على نفسها».

نرمين الفقي تعرب عن سعادتها بالمشاركة في مهرجان القاهرة للدراما

على الصعيد الآخر، أعربت الفنانة نرمين الفقي عن سعادته الكبيرة للمشاركة في مهرجان القاهرة للدراما، مضيفة:" انبسطت جدا بالمهرجان ولبيت دعوة أشرف زكي فورا".

وأوضحت خلال برنامج برنامج مساء دى إم سى، المذاع على قناة دى إم سي:" ليا الشرف اني أكون ضمن المشاركين بالدورة الأولى لمهرجان القاهرة للدراما".

وعن دورها في مسلسل أبو العروسة، أضافت:" سعيدة جدا بالعمل في مسلسل أبو العروسة مسلسل جميل ويدخل كل بيت ويناقش مشاكل كثيرة ويعمل علي حلها، متابعة:" أيضا سعيدة بردود افعال الجمهور".

وأشارت نيرمين الفقي إلي أنها تستعد لتصوير مسلسل مكون من 12 حلقة وسيتم عرضه عبر المنصات الإلكترونية.