دخلت تجارة إنجلش عشان كنت بعند مع بابا.. أبرز تصريحات حنان مطاوع في "أسألني"

حلت الفنانة حنان مطاوع ضيفة في برنامج “إسألني” الذي يذاع على شاشة تلفزيون قناة “سي بي سي”، وأثناء الحلقة تحدثت حنان مطاوع عن الكثير من الأمور التي تخص حياتها الشخصية والفنية أيضًا، وفي هذا التقرير سيرصد موقع تحيا مصر أبرز تصريحاتها في الحلقة.

أبرز تصريحات حنان مطاوع في “إسألني”

ـ كوني بنت كرم مطاوع وسهير المرشدي مساعدش في دخولي الوسط الفني بسهولة

ـ أنا خريجة تجارة إنجلش ومدخلتش معهد فنون مسرحية بس أخدت ورش تمثيل كتير

ـ دخلت تجارة إنجلش عشان كنت بعند مع بابا الله يرحمه مكنتش عايزة ادخل اي حاجة ليها علاقة بمعهد فنون مسرحية لأن هو كان أستاذ دكتور بيدرس هناك

ـ أهم حاجة أني بعمل حاجات مؤمنة بيها وحساها ومصدقاها ومتسقة مع أفكاري بغض النظر هي صح ولا لا

ـ أنا بعمل الفن اللي بحبه وبحلم بيه وعارفة أن الفرصة ملهاش علاقة بأي حاجة غير الرزق

ـ مفيش دور ليا مقولتش لنفسي عليه لو عيدتوا هعمله أحسن من كدا مليون مرة

ـ كل الأدوار اللي أنا عملتها صعبة لأني بحول شخصية على الورق لشخصية من لحم ودم

ـ روحت لدكتور نفسي قبل كدا ومش لازم أبقى رايحة علشان عندي مشكلة، ممكن يبقى عندي تساؤل

ـ عندي فوبيا من الأدوار المرتفعة أوي وأن أنا أقرب من السور

ـ لو خيروني بين الشغل والبيت بعيالي هختار بنتي واتعلمت أن لما بتعتمد على ركن واحد في حياتك الدفة بتطب