محمود الليثي يدعم شيرين عبد الوهاب: انت شرف للعالم كله

حرص المطرب محمود الليثي على توجيه رسالة دعم للمطربة شيرين عبد الوهاب، وذلك بعد أزمتها التي تمر بها خلال الفترة الحالية بشأن إجبارها على دخول المستشفى وعلاجها من الإدمان.

تحيا مصر يرصد في ذلك التقرير دعم محمود الليثي لـ شيرين عبد الوهاب

محمود الليثي لـ شيرين عبد الوهاب: 

كتب محمود الليثي عبر حسابه الرسمي بموقع تبادل الصور والفيديوهات انستجرام: “الف مليار سلامة عليكي يا نجمة العالم يارب يخليكي لينا ولجمهورك الا بيموت فيكي وانت شرف للعالم كله يا نور عيني باذن الله وقت بسيط وترجعي لينا بصحته وبروحك الحلوه يا نجمه العالم كله".

محمود الليثي بـ تصريحات مثيرة في انتخابات النقابة

من ناحية أخرى، كان أخر ظهور للمطرب محمود الليثي مشاركته في انتخابات نقابة المهن الموسيقية، والتي صرح خلالها بجملة تصريحات جريئة، اذ قال: " “ربنا يوفق الجميع، بس أهم حاجة عندنا الراجل الموسيقي، وأنا مشكلتي كلها الموسيقي، نشوف طلباته وبس.. مش عايزين حاجة غير غير اننا نشوف الموسيقي عايز اي، أنا معايا 72 واحد وسعد معاه 60، وعبد السلام معاه 50، محتاجين نشوف طلبات الناس دي، احنا في دولة قانون مش ضد حد خالص وربنا يولي من يصلح”.

وتابع معلنا تعاطفه مع مطربي المهرجانات: “حسن شاكوش كسر العالم وحمود بيكا، وطالما الناس بيحبوهم يبقوا كسرو العالم، المفروض أجيب الواحد منهم زي مأنا عملت ومش موجود في النقابة، جبتهم عندي في البيت وقولتهم انتو كسرتو العالم وكسرتوا الدينا بس كلامكم بيدخل كل البيوت، وهما مكنوش عارفين ان الكلام اللي بيعملوه ده غلط وأما عرفوا بطلوا يعملوه، ليه منعمل كدة، والمهرجانات كسرت الدنيا وراحت للعالم”

واختتم محمود الليثي: “المطرب لازم يبقى مسؤول عن اللي هيدخل البيت لأنه ده ممكن يبني المجتمع وممكن يهده، وأنا عملت مهرجانات ومكنش فيها ألفاظ خارجة، وطول ما في الرئيس عبد الفتاح السيسي احنا مش خايفين واحنا في دولة قانون وديمقراطية، ومش خايفين من حاجة لأن العدل هيتحقق”.

أخر أعمال محمود الليثي

وكانت أخر أعمال محمود الليثي الغنائية طرحه لـ نظرة واحدة، من كلماته وألحانه وتوزيع إسلام شيبسي، وحقق من خلاله نجاحات ساحقة منذ طرح الفيديو كليب الخاص بها عبر موقع الفيديوهات الشهير “يوتيوب”.