بعد أزمتها الأخيرة.. حسام حبيب يتخلى عن شيرين: من اللحظة دي معرفش حد بالاسم ده

تداول رواد السوشيال ميديا تسجيل صوتي للمطرب حسام حبيب، طليق الفنانة شيرين عبد الوهاب، يهاجمها خلاله بطريقة مشينة، مشيرا إلى انه لا يريد معرفتها مرة أخرى، وذلك في ظل أزمة اتهامة بتحريضها على إدمان المخدرات.

تحيا مصر يرصد في ذلك التقرير تصريحات جديدة لـ حسام حبيب عن شيرين عبد الوهاب

حسام حبيب عن شيرين عبد الوهاب: أكبر غلطة في حياتي ومش عايز أعرفها تاني

قال حسام حبيب في التسجيل الصوتي، متحدثا عن شيرين عبد الوهاب: "شيرين أكبر غلطة غلطتها في حياتي وأنا اتصدمت فيها صدمة عمري، مش عايز أسمع اسمها تاني ولا أشوفها في حياتي تاني وتنسى انها عرفت حسام في حياتها ومن اللحظة دي معرفش حد بالاسم ده”.

سارة الطباخ تبرأ نفسها من أزمة شيرين عبد الوهاب

وخرجت سارة الطباخ، مديرة أعمال الفنانة شيرين عبد الوهاب سابقا، لتبرأ نفسها هي الأخرى من أزمة الفنانة الأخيرة، فقالت خلال مداخلة هاتفية مع الإعلامي عمرو أديب لـ برنامج الحكاية: " تم الزج باسمي بدون مبرر أنا كنت خايفة على شيرين وعايزة أطمن عليها، بعد ماحسام حبيب  اتصل بيا وقالي ان شيرين عبد الوهاب اتعرضت للضرب من أخوها وانها مختفية من يوم الخميس ومحتجزها عنوة في المستشفى، دخلت ياسر قنطوش عشان هو المحامي بتاعي وبتاع شيرين عبد الوهاب وحسام حبيب حاول كتير يوصل لناس كتير يساعدوها  لكن معرفش والسبب انه يلجألي انه عارف اني عارفة ياسر قنطوش".

وتابعت: "حاولت أتواصل معاها بس مدبرة المنزل قالت إنها مسافرة، ومعرفتش اتواصل مع أخوها عشان مش معايا رقمه الجديد، محمد عبد الوهاب لو كان شايف انه بيعمل حاجة صح لـ شيرين كان كلمني، لكن هو ساعد إنه يشوه صورة شيرين قدام الناس أكتر”.

سارة الطباخ تهاجم شقيق شيرين عبد الوهاب وتدعمها

وهاجمت سارة الطباخ شقيق شيرين عبد الوهاب ملعنة مقاضاته: “أنا على علاقة طيبة بـ شيرين ومفيش أي مشكلة بينا وكنت رايحلها المستشفى خوفا عليها، وشيرن قلبها طيب زي البفتة البيضة وخيرها على الكل أولها أخوها وشخصية حساسة جدا، وكلنا مش عارفين انها متسرعة عشان كدة مش بنزعل منها”.