علاء مرسي: مقدرش اخون مراتي عشان هتضرب علقة.. وبعشق ميرفت أمين

حكى علاء مرسي عن قصة حبه مع زوجته، وقصة حبه لميرفت أمين لمدة 25 عام، وذلك خلال حلوله ضيف ببرنامج واحد من الناس مع عمرو الليثي.

تحيا مصر يرصد لكم تصريحات علاء مرسي عن زوجته وقصة حبه لميرفت أمين 

علاء مرسي يكشف قصة حبه لزوجته 

وقال علاء مرسي: اتجوزت مراتي عن حب، لأني بحب الحب، ولما قابلتها كانت خريجة معهد موسيقى بس مكنتش عايزة تشتغل في هذا المجال، وروحت بيها لأمي قولتلها أنا بحبها وهتجوزها.

وعن حقيقة تصريحاته بخيانة زوجته، قال: أنا بحب الستات جدًا، لكن مقدرش اخونها عشان هتضرب علقة ما يعلم بيها إلا ربنا، وأنا مريض بأمي عشان كده أي ست بتاخدني، ومدخلتش في معاصي وبحب الحب المطلق.

وتابع علاء مرسي: أنا كنت بقول لمراتي كل حاجة، وهي ست فضلت في ضهري، وعايز أقولها أنا بحبك جدًا وأنا عارف منزلتي عندك، وبقولك سامحيني على أي خطأ.

علاء مرسي وميرفت أمين 

أنا عاشق لميرفت أمين وهي مثلي الأعلى في الجمال الروحاني، وغيها طيبة الكون، وفضلت 25 سنة بحبها، يا أجمل قلب، وانتي قمر وهتفضلي قمر.

علاء مرسي: قصرت مع أسرتي

وعبر علاء مرسي عن حزنه الشديد بسبب تقصيره مع أسرته، قائلًا: مكنتش بفسح ولادي ولا زوجتي حتى لو فاضي، عشان أنا قليل الخروج وبحكم مهنتي بعدت عن الأسرة إني أقوم بالواجب على أكمل وجه.

وتابع عن رفضه لأدوار الشرف، قائلًا: قولت مش هعمل ضيف شرف تاني، وكنت بروح عشان اقفل مع صحابي ومبياخدوش فلوس، وفي أعمال كتير اشتغلتها ببلاش حتى لو محتاج فلوس.

تصريحات أخرى لـ علاء مرسي

• ندمت على مشهد ماما حلوة عشان حصرني
• وكان لازم يحصل للشخصية دي استكمالًا
• وندمت على هذا النجاح لأن كان نفسي أعلى عليه وبشوفه نجاح مُعلق
• نكشت أحمد السقا في لقاء وعشان هو ابن اصول لاقيته تحت بيتي
• السقا قالي لو مزعلك في حاجة حاسبني لكن هي كانت قمصة منه
• السقا كان حبيب علاء ولي الدين جدًا وبيعشقه وخدت من علاء ولي الدين الغيرة دي في حب السقا 
• قولت ان السقا بيبقى ليه كلمة في إنه يقول الممثل ده يجي أو لأ
• اعتقد مبيتدخلش زيه زي هنيدي، والسقا عمره ما رشحني في حاجة بس أنا رشحته قبل كده في عمل
• السقا وباسم على قدر من الإنسانية واللي بينهم مجرد نقل كلام
• محمد رمضان ممثل موهوب ومهم ولو دماغه في حتة تانية أنا مليش دعوة
• أنا نمبر وان ده غلط، حتى عادل إمام مش نمبر وان