كلمني قبل وفاته عشان أسامحه.. علاء مرسي يكشف تفاصيل علاقته بالمنتج محمد حسن رمزي

صرح الفنان علاء مرسي في لقائه ببرنامج واحد من الناس على قناة الحياة، أن المنتج الراحل محمد حسن رمزي طلب منه شئ قبل وفاته، كما تحدث عن كواليس تحضيره لعمل مع محمد نجم قبل وفاته، وتقصيره مع أسرته.

تحيا مصر يرصد لكم تصريحات علاء مرسي عن المنتج محمد حسن رمزي ومحمد نجم وأسرته 

علاء مرسي: محمد حسن رمزي كلمني قبل وفاته وقالي سامحني

وقال علاء مرسي: المنتج محمد حسن رمزي قبل ما يتوفى كلمني وقالي ادعيلي انا مسافر وتعبان، وقالي عايزك تسامحني وانا موقفتش جنبك، قولتله ده انا يكفيني نك بتكلمني وكان راجل مهذب.

علاء مرسي وكواليس عمله مع محمد نجم

وعن كواليش تحضيره لعمل فني مع محمد نجم، قال: واحد صديقي جابلي رواية وقالي عايزين محمد نجم، وروحت قعدت معاه على السلم عشان كان بيخاف من الكورونا وكنا هنبدأ بروفات لكن توفاه الله، وكنت بتفرج أنا وهنيدي ووووو بنتفرج عليه عشان نضجك.

علاء مرسي: قصرت مع أسرتي

وعبر علاء مرسي عن حزنه الشديد بسبب تقصيره مع أسرته، قائلًا: مكنتش بفسح ولادي ولا زوجتي حتى لو فاضي، عشان أنا قليل الخروج وبحكم مهنتي بعدت عن الأسرة إني أقوم بالواجب على أكمل وجه. 

وتابع عن رفضه لأدوار الشرف، قائلًا: قولت مش هعمل ضيف شرف تاني، وكنت بروح عشان اقفل مع صحابي ومبياخدوش فلوس، وفي أعمال كتير اشتغلتها ببلاش حتى لو محتاج فلوس.

تصريحات أخرى لـ علاء مرسي

• ندمت على مشهد ماما حلوة عشان حصرني
•  وكان لازم يحصل للشخصية دي استكمالًا
•  وندمت على هذا النجاح لأن كان نفسي أعلى عليه وبشوفه نجاح مُعلق
• نكشت أحمد السقا في لقاء وعشان هو ابن اصول لاقيته تحت بيتي
• السقا قالي لو مزعلك في حاجة حاسبني لكن هي كانت قمصة منه
• السقا كان حبيب علاء ولي الدين جدًا وبيعشقه وخدت من علاء ولي الدين الغيرة دي في حب السقا 
• قولت ان السقا بيبقى ليه كلمة في إنه يقول الممثل ده يجي أو لأ
•  اعتقد مبيتدخلش زيه زي هنيدي، والسقا عمره ما رشحني في حاجة بس أنا رشحته قبل كده في عمل
• السقا وباسم على قدر من الإنسانية واللي بينهم مجرد نقل كلام
• محمد رمضان ممثل موهوب ومهم ولو دماغه في حتة تانية أنا مليش دعوة
• أنا نمبر وان ده غلط، حتى عادل إمام مش نمبر وان