علاء مرسي: ندمت على مشهد ماما حلوة لهذا السبب.. وخلافي مع السقا كان قمصة

كشف الفنان علاء مرسي خلال لقائه ببرنامج واحد من الناس مع الإعلامي محمود الليثي، عن المشهد الذي سبب له ندم كبير، كما صرح عن حقيقة الخلاف بينه وبين أحمد السقا.

تحيا مصر يرصد لكم تصريحات علاء مرسي عن المهشد الذي ندم بسببه وخلافه مع أحمد السقا 

علاء مرسي: ندمت على مشهد ماما حلوة

وقال علاء مرسي: ندمت على مشهد ماما حلوة عشان حصرني، وكان لازم يحصل للشخصية دي استكمالًا، وندمت على هذا النجاح لأن كان نفسي أعلى عليه، وبشوفه نجاح مُعلق.

علاء مرسي يكشف تفاصيل خلافه مع أحمد السقا 

وعن حقيقة خلافه مع الساق، قال: نكشت أحمد السقا في لقاء، وعشان هو ابن اصول لاقيته تحت بيتي، وقالي لو مزعلك في حاجة حاسبني، لكن هي كانت قمصة منه، والسقا كان حبيب علاء ولي الدين جدًا وبيعشقه، وخدت من علاء ولي الدين الغيرة دي في حب السقا، واتقابلت أنا وهو في رمضان اللي فات كل يوم.

وتابع علاء مرسي عن حقيقة قوله بتدخل السقا في اختيار فريق الممثلين حوله، قائلًا: قولت ان السقا بيبقى ليه كلمة في إنه يقول الممثل ده يجي أو لأ، بس اعتقد مبيتدخلش زيه زي هنيدي، والسقا عمره ما رشحني في حاجة بس أنا رشحته قبل كده في عمل.

وعن خلاف السقا وباسم سمرة، قال: السقا وباسم على قدر من الإنسانية واللي بينهم مجرد نقل كلام.

علاء مرسي: محمد رمضان موهوب.. وعادل إمام مش نمبر وان

وقال علاء مرسي: محمد رمضان ممثل موهوب ومهم، ولو دماغه في حتة تانية أنا مليش دعوة، وأنا نمبر وان ده غلط، حتى عادل إمام مش نمبر وان.

وتابع مستكملًا الحديث عن موهبة أحمد أدم، قائلًا: بتخض أمام أحمد أدم في التمثيل وموهوب موهبة غير عادية.

وعن ترتيب نجوم الفن من حيث الموهبة، قال: عادل إمام أكثرهم موهبة، وبعده أحمد زكي، ونور الشريف ومحمود عبد العزيز مستوى واحد، وأحمد زكي موهوب بس مش لدرجة العبقرية بتاعت عادل إمام.

علاء مرسي: نبيلة عبيد ونادية الجندي مبيعرفوش يمثلوا 

وأضاف علاء مرسي خلال حواره مع عمرو الليثي: النحت خلاني ماليش سعر، و50% من شغلي كان نحت.