محمد الشرنوبي: مسدج واتساب سبب إلغاء حفلتي في مهرجان الموسيقى العربية| فيديو

كشف الفنان محمد الشرنوبي أن السبب وراء إلغاء حفلته التي كان من المقرر إقامتها ضمن فعاليات مهرجان الموسيقى العربية في دورته القادمة هو مسدج من المنتجة سارة الطباخ لإدارة الأوبرا.

تحيا مصر يرصد السبب وراء إلغاء حفل محمد الشرنوبي بالأوبرا

حيث قال الشرنوبي لـ برنامج “ET بالعربي”: “فوجئت أن الفانز بيقولولي.. عرفت بالصدفة أن الحفلة اتشالت التذاكر بتاعتها فقومت مكلم دكتور جيهان قولتلها يا دكتور جيهان ايه اللي حصل فقامت قايلالي المديرة بتاعت الشركة اللي أنا كنت ماضي معاها بعتالهم مسدج بيان صحفي بيقول أن أنا مش من حقي اشتغل في أي حتة ولا من حقي أعمل حفلات”.

محمد الشرنوبي يستنكر إلغاء حفله بالأوبرا

وتابع الشرنوبي في حديثه عن إلغاء حفله قائلًا: “أنا عرفت المعلومة دي كمان من حد من الشئون القانونية في الأوبرا قومت قايلها هي الشئون القانونية بتستند على مسدج عادية على الواتساب.. دي حاجة غريبة جدا.. مش المفروض أنه لما أجي أوقف حفلة من مؤسسة ثقافية مهمة وكبيرة جدا زي الأوبرا أن أنا حد يبعتلي مسدج على الواتساب”.

وأضاف: “قالولي طيب احنا هندرس الموقف القانوني وهنقولك.. وفي ساعتها واحنا قاعدين فجأة دخل عليا محامي الطرف التاني بيقول أنا عايز أقدم شكوى في الأستاذ محمد الشرنوبي.. فيه حاجة غلط ودا مش طبيعي ولا منطقي أنه فجأة يظهر دلوقتي”.

واستطرد: “فقولتلهم طيب يا جماعة أدي موقفي القانوني ودا حكم المحكمة ودي أحكام تهمة تبديد وخيانة الأمانة للطرف التاني أحكام نهائية استئنافية عدت بأول درجة ومعارضة وكسبت المعارضة والاستئناف”.

إلغاء حفل محمد الشرنوبي بالأوبرا

ومن الجدير بالذكر أن المستشار ياسر قنطوش، المسئول القانوني عن شركة إيرث برودكشن للمنتجة سارة الطباخ أعلن في وقت سابق إلغاء حفل الفنان محمد الشرنوبي في دار الأوبرا المصرية، وذلك من خلال بيان رسمي أصدره.

وجاء البيان كالآتي: “تم إلغاء الحفل لأن ذلك يخالف الحكم الصادر من المحكمة لصالح المنتجة سارة الطباخ لأن شركتها إيرث برودكشن هي المسؤلة عن جميع التعاقدات الخاصة به بشكل حصري معها فقط”.