رندا البحيري تنهار من البكاء بسبب شيرين: متعلقة بيها وصعبانه عليا

انهارت الفنانة رندا البحيري من البكاء بسبب ما تمر به النجمة شيرين عبد الوهاب خلال الفترة الأخيرة ودخولها مصحة للعلاج من الادمان.

تحيا مصر يرصد انهيار رندا البحيري من البكاء بسبب شيرين عبد الوهاب. 

رندا البحيري توجه رسالة لشيرين عبد الوهاب 

قالت رندا خلال فيديو لها عبر حسابها الرسمي على موقع التواصل الاجتماعي فيسبوك: أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين

وتابعت: "ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا.

وأضافت راندا البحيري: حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك.

تعاقد رندا البحيري على برنامج تليفزيوني 

على الصعيد الآخر، أعلنت قناة الشمس الفضائية، عن تعاقدها مع الفنانة راندا البحيري، لتقديم برنامج The Book، خلال الفترة المقبلة.

وكشف الإعلامى أحمد الدغيدى رئيس قناة الشمس، أن البرنامج يتخصص في المسابقات الثقافية، وسيكون عبارة عن حلقة أسبوعية تستضيف خلالها راندا البحيري مشاركين متسابقين يتم سؤالهم على الهواء مباشرة حول المعلومات العامة على أن يحصل الفائز في نهاية دورة البرنامج على جائزة مالية كبيرة، مؤكدًا أن القناة ستتابع اتخاذ كافة الإجراءات القانونية قبل إنطلاق البرنامج.

وكتبت رندا البحيري منشور طويلاً عبر حسابها الشخصي علي موقع "فيس بوك" قالت فيه نصاً: "بشوف ساعات ممثلين بعد النجومية بيطلعوا يحكوا إن فلان أو علان كان شايف إنه ممثل ضعيف وإنه مكانش راضي إنه يشتغل معاه علشان مش شايف موهبته أو علشان حاسس إن فيه ناس أحسن… طبعاً بيقولوا ده نوع من الفخر والشماتة إنهم دلوقتي بقوا نجوماً وأن المخرج الفلاني ده مكانش شايف موهبته أحب أصدمك وأقولك الحقيقة".

واستطرد حديثها في المنشور "90 في المية من اللي بيطلعوا في اللقاءات يقولوا الكلام ده… بالفعل مش موهوبين ولو أنت وصلت لمكانة ما، فهي يا إما طفرة ويومين وهيعدوا… يا إما تدني الذوق العام… يا إما سهولة الظهور حالياً عكس زمان… يا إما إصرارك السنين دي كلها إنك تكون في الحقل الفني وعايز تمثل وده كان نتيجة إصرارك".

وتابعت في منشورها «لكن تقتنع إنك موهوب وتطلع تحكي عن اللي حاربوك في البداية… فكر 100 مرة قبل ما تعمل كده وتضحك الناس عليك لأنك بنسبة كبيرة مكنتش موهوب فعلًا... ده مش معناه إن فيه ساعات المواقف دي بتحصل فعلًا وإن فيه ناس بتتظلم أكيد بعض الناس بتتظلم".