رولا خرسا تهاجم أسرة شيرين عبد الوهاب: اللي ربك ستره تفضحوه ليه؟

هاجمت الإعلامية رولا خرسا، أسرة الفنانة شيرين عبد الوهاب بعد أن خرجوا وكشفوا عن تعاطيها المخدرات برفقة طليقها حسام حبيب.

تحيا مصر يرصد هجوم رولا خرسا على أسرة شيرين عبد الوهاب. 

رولا خرسا تتعاطف مع شيرين عبد الوهاب 

وقالت رولا خرسا: الي بيحصل لشيرين عبد الوهاب ابتلاءً كبير اوي.. اصعب حاجة في الدنيا اما اهلك يطلعوا يفضحوا اسرارك علي الهواء حتى لو كان عشان حمايتك.. الي ربك ستره تفضحوه ليه؟ كان ممكن يستنجدوا باي حد كتيمي من غير ما يطلعوا في التلفزيونات يتكلموا.

وتابعت رولا خرسا : قلبي واجعني علي بناتها الي عايشين في الجو دا والي مهما كانوا شايفين الا اما الناس كلها تعرف حيتعرضوا في المدرسة ومن الي حواليهم لكلام قاسي وتنمر.

واضافت رولا خرسا : وشيرين نفسها حتي لو مدمنة فحقها عليهم انهم ياخدوها في حضنهم ويساعدوها مش ينشروا اخبارها حتي لو شايفين ان دا لمصلحتها.. ربنا معاكي يا شيرين حتي لو الدنيا كلها سابتك.. مفيش انسان في الدنيا يستاهل انه مايلاقيش حد جنبه.. تاني بقول : مهما عمل.. ادعوا لها يا جماعة ان ربنا يشفيها ويفك كربها دا..شيرين محتاجة لدعم نفسي قوي جدا وتالت ورابع بقول: مهما عملت بلاش كل حد يطلع القاضي والجلاد الي جواه.. طلعوا بدالهم الانسانية والرحمة..والله كلنا علي الارض غلابة وعايشين بستر ربنا.

شقيق الفنانة شيرين عبد الوهاب يكشف عن تعاطيها المخدرات

قال محمد عبد الوهاب، شقيق الفنانة شيرين عبد الوهاب: "حكاية شيرين عبد الوهاب معقدة خالص، وأنا دلوقت أختي بتتعرض لخطة سيئة من حسام حبيب وسارة الطباخ، وأختي بتنهار وبتضيع، وأنا لا ضربتها ولا اعتديت عليها".

تصريحات شقيق شيرين عبد الوهاب عن ازمتها

وتابع خلال مداخلة هاتفية ببرنامج "الحكاية" الذي يقدمه الإعلامي عمرو أديب: "حسام حبيب رجع لشيرين عبد الوهاب خلال الفترة الأخيرة وجابلها العربية بتوكيل، وتنازلت عن القضايا، وهو لم يتنازل عن ولا قضية وضحكوا عليها، وبعد كده رجعوا لبعض وبيتكملوا مع بعض على الواتس آب، وبعد كده شيرين كانت مأجرة شقة في التجمع وهي دي الشقة اللي أنا رحت أجيبها منها، وجيبتها لأنها كانت بتتعاطى مخدرات هي وحسام حبيب، والنيابة العامة تحقق مع المستشفى اللى شيرين بتتعالج فيها".

وأكد: "عندما ذهبت لشقة التجمع لم أعتدِ على شيرين عبد الوهاب، والمتخصصين في المستشفى هما اللى أخدوها من أجل العلاج الإلزامي، وهي بتتعاطى مخدرات منذ فترة وأمي عارفة الكلام ده".

ولفت: "دخلت شيرين عبد الوهاب المستشفى دخولًا إلزاميًّا لأنها تتعاطى المخدرات، وتقارير المستشفى أكدت تعاطيها المخدرات، وتخضع حاليًا للعلاج الإلزامي".

وأشار: "والدتي عيطت وقالت لي أنقذْ أختك من المخدرات، ولو رقبتي هتطير مش هخرج شيرين عبد الوهاب من المستشفى إلا لما تتعالج وتخف".