علاء مرسي عن دوره في مسلسل "الليلة واللي فيها": قعد معايا فترة وزينة قلقت مني

تحدثت الفنان علاء مرسي خلال لقائه ببرنامج واحد من الناس مع الإعلامي عمرو الليثي، عن دوره في مسلسل الليلة واللي فيها، الذي عرض خلال الأيام القليلة الماضية.

تحيا مصر يرصد لكم كشف علاء مرسي كواليس دوره في مسلسل الليلة واللي فيها 

علاء مرسي عن مخرج الليلة واللي فيها: دخلت معاه ورشة تمثيل 

ومدح الفنان علاء مرسي العمل مع المخرج هاني خليفة في المسلسلن قائلًا: المسلسل إذا لم يقع أمام مخرج واعي فالممثل هيمثل على مزاجه، وربنا انعم عليا يكون معايا مخرج زي هاني خليفة وجالي في فترة إن بقالي سنتين مبعملش حاجة ودخلت ورشة تمثيل معاه عشان يوصل بيا للحظة صدق في دور “طه”.

وعن تفاصيل شخصيته في المسلسل قال: زينة صديقة واخت وساعدتني وكان في لحظات عنف وأنا كنت ببقى عنيف بجد.

علاء مرسي: اتعملي ماكيت ومنفعش.. فـ فضلت على الأرض 3 أيام

وعن مشهد موته في مسلسل الليلة واللي فيها، قال: اتعمل ماكيت ليا عشان مشهد ضربي على الأرض والدم سايح المخرج لاقا راسه مش زي راسي، فـ كلمني وقالي ينفع تنام هنا 3 أيام بس لو معملتوش هيحصلي مشاكل وقولتله أنا موافق ومعملتش لحظة شيل وحط الجثة في الكيس لكن كل اللي قبلها أنا اللي عامله.

وعن مدى تأثره بشخصية طه بعد انتهاء تصوير المسلسل، قال: أنا قعدت بشخصيتي بتاعت مسلسل الليلة واللي فيها دي فترة بعد التصوير وكنت ببص لزينة بعد الأوردر لما أجي أمشي وزينة كانت بتقلق مني بتقولي أنت بتبصلي كده ليه!.

علاء مرسي عن مشهد مرضه في مسلسل ليالي الحلمية ج 5: “صورته في صباحيتي”

وقال علاء مرسي: فرحي كان بالليل وصورت الصبح المشهد في ليالي الحلمية ج5 وخرجت من المشهد ده بترعش وعندي برد غريب جدًا.

وعن أول عمل فني حقيقي له قال: مسلسل ليالي الحلمية كانت أول مرة أشوف كاميرات وكنت طالب منطوي شوية في المعهد وعندي اسم صنعته في الأكاديمية، وقتها كانت أول مرة أدخل مبني التلفزيون، ودخلت المبني ودخل أستاذ سيد أبو السعود وقالي تعالا معايا يا ولد وفتح الباب لاقيت ممدوح الليثي قدامي وقال أنا متبنيه وأعملوا أجر ليه كان 400 ج.