علاء مرسي: ممدوح الليثي اللي اكتشفني.. وأهلي كان عندهم أمل أطلع من رجال الأزهر زيهم

حل الفنان علاء مرسي ضيف برنامج واحد من الناس مع الإعلامي عمرو الليثي، وتحدث عن بدايته الفنية ونشأته وكشف بعض الأسرار الأخرى.

تحيا مصر يرصد لكم تصريحات علاء مرسي عن بدايته الفنية ونشأته

علاء مرسي وبدايته الفنية ونشأته

نسب الفنان علاء مرسى فضل إكتشافه إلى المنتج والسيناريست الراحل ممدوح الليثي، قائلًا: الأستاذ ممدوح الليثي هو اللي مكتشفني وطبطب عليا.

وعن بداية تطلعه للفن، قال: بدأ حبي للفن من وأنا تلميذ صغير في مدرسة التعاون الإبتدائية في إذاعة المدرسة في دسوق، وكنت من عائلة كلها أزهرية أهلي كان عندهم أمل فيا أطلع رجل من رجال الأزهر.

وتابع علاء مرسي: حفظت القرآن على يد الوالد وقعدت في المسجد كتير وكنت بفتتح الإذاعة بآيات وبعدين ببدأ الإذاعة بتمثيل وكان عندي شغف للسينما وأهلي قالوا الولد ده مش هينفع وهيطلع ممثل وكنت بصرخ لوالدي عشان يجيبلي تلفزيون.

علاء مرسي في مسلسل ليالي الحلمية

وعن أول عمل فني حقيقي له قال: مسلسل ليالي الحلمية كانت أول مرة أشوف كاميرات وكنت طالب منطوي شوية في المعهد وعندي اسم صنعته في الأكاديمية، وقتها كانت أول مرة أدخل مبني التلفزيون، ودخلت المبني ودخل أستاذ سيد أبو السعود وقالي تعالا معايا يا ولد وفتح الباب لاقيت ممدوح الليثي قدامي وقال أنا متبنيه وأعملوا أجر ليه كان 400 ج.

برنامج واحد من الناس

يذكر، أن أخر ضيوف برنامج واحد من الناس، الفنانة نادية شكري، التي كشفت عن سبب انفصالها عن الفنان لشهير سامي العدل، قائلة: "أنا غيورة جدا، وهو كان شقى جدا، واتجوزنا لمدة 4 سنين فقط، وكان طيب بدرجة كبيرة، وكنت بحبه جدا حب غير عادي، وعيلته كلها أهلي، ولحد دلوقتى علاقتنا أكتر من رائعة، وأنا بنتهم وأختهم، وكانوا جنبي في كل حاجة بعد الانفصال، وبنتي خدت من سامي الجدعنة".

وتابعت حديثها، كاشفة عن تحدياتها في الزواج من سامي العدل، فقالت: “كنت متخاصمة مع والدي عشان مكنش عايزني أخليني أتجوز وأنا أصريت، وهو كان مدلعني أوي ومكنش يتخيل أن أنا ممكن أتجوز أي حد وكان شايفلي صورة غريبة في خياله زي أي أب، أنا أصريت أني أتجوز سامي العدل الله يرحمه، وكان باباه صاحب بابا، وكانت المشكلة في شقاوته، يعني كان بابا بيعرف شقاوته من بابا، فدا كان سبب رفضه الأساسي، بس اتجوزت ومسمعتش كلامه فخاصمني وقاطعني، واتصالحنا في مسرحية العيال كبرت”.