سارة تطلب الخلع: جوزى بيلبس هدومى بالليل ويكلم رجالة على النت

" الاستاذ المحنرم اللى المفروض يبقي قدوة ويتحمل مسئولية أسرة بيستنى أنام فى نص الليل ويلبس هدومى ويحط ميكاب عشان يكلم رجالة على النت مقابل كروت شحن، وأكتشفت انه بيعمل كدا حتى من قبل الجواز ولما واجهته بيقنعنى أنه مجرد تهريج " جاءت هذه الكلمات على لسان سارة وهى داخل محكمة الأسرة لرفع دعوى خلع من زوجها بعد عام وشهرين فقط من الزواج مبررة أستحالة العشرة معه بعد أكتشافها سوء أخلاقه وتقمص دور النساء و الفتيات للإيقاع بالرجال من على المواقع الإباحية .

تحيا مصر
وقالت سارة فى مستهل حديثها مع " تحيا مصر"، مكنتش أعرف عنه أى حاجة لما أتقدم ليا، ولكن سالنا على أهله والكل شهد أنه اهله أخلاق وناس فى حالهم، وهو كمان شكله طيب وغلبان كان ظاهر عليه، وأتخطبنا 5 شهور وكانت خطوبة عادية وهادية جدا ومافيش أى خلافات لحد ما أتجوزنا والكل كان بيحسدنى عليه وعلى طباعه الهادية، لكن كنت بلاحظ أنه بيسهر كتير على الأنترنت وخاصة فى أوقات نومى، ولما شكيت انه بيخونى سالته وأقسم أنه مبيعرفش ستات ولا بيكلم بنات على الأنترنت،وفعلا طلع صادق لأنه للاسف طلع بيكلم رجالة وهو الست .

وأكملت الزوجة حديثها، "وربنا أراد انه يشكف ستره عنه لما صحيت فى يوم فجاءه ولقيته بيتكلم من أوضه الأطفال وطلعت أمشي بهدوء من غير صوت وفتحت الباب شوفت الصدمة جوزى لابس هدوم من هدومى وحاطط ميكاب وطرحة وبيكلم رجالة على النت مقابل كروت شحن، ولما أرتبك بيقنعنى أنه مجرد هزار مع اصحابه، وأنى فهمت غلط لكن أنا فهمت الصح وهو بينصب على الرجالة وبيعمل واحده ست منه لله كسرنى وهز صورنه قدامى عشان طدا طلبت الطلاقن ولكن رفض فرفعت ضده دعوى خلع ومنظرة أولى الجلسات .