حلمي بكر: "انا نازل تعبان عشان افرح بـ مصطفى كامل ومعظم المجلس لازم يتغير"

أعرب الموسيقار حلمي بكر عن سعادته بـ تولي مصطفى كامل رئاسة نقابة المهن الموسيقية، معلنا دعمه الكامل له وداعيا جميع أعضاء الجمعية العمومية بالوقوف ورائه.

تحيا مصر يرصد في ذلك التقرير تصريحات حلمي بكر عن مصطفى كامل على هامش مؤتمر نقابة المهن الموسيقيين

تصريحات حلمي بكر عن مصطفى كامل

قال حلمي بكر خلال بث مباشر عبر موقع تحيا مصر على هامش أول مؤتمر صحفي لـ مصطفى كامل في نقابة المهن الموسيقية: “مصطفى راجل وجدع من الدورة اللي فاتت ولو كان دخل الدورة اللي بعديها كان هيعمل انجازات، مش واحد يطلع يقول احنا بنعيش في ظل  الفساد انت عملت اي عشان تخفف الفساد، سبب الانهيار اللفظي”.

وتابع حلمي بكر حديثه، قائلا: “إحنا حصلنا انهيار لفظي  في الفترة الأخيرة، ومعظم المجلس لازم يتغير، ولازم نراجع لجان العمل، ولازم يتعمل مشروع تأميني للمعاش”.

حلمي بكر: مصطفى كامل عنده رؤية وعضو قديم في النقابة

وأشاد حلمي بكر بـ مصطفى كامل، قائلا: “انا نازل وتعبان عشان افرح بمصطفى، دا ابني ورؤية وخبرة وعضو قديم”.

وعن هجومه على مطربي المهرجانات، فقال: “أنا مش ضد المهرجانات أن ضد المسمى الكذاب، وضد الألفاظ البذيئة وأولدنا اللي باظوا،  ولازم يكون ليهم عقوبة لو قالوا ألفاظ بذيئة وتضر بالذوق العام".

واختتم حلمي بكر حديثه، قائلا: “كلنا بنهني مصطفى  كامل، متاكدين أنه هيعمل انجازات كتير، وهنتكلم في المؤتمر عن كل حاجة ومعظم المجلس هتيغير واللي غلط هيتحاسب وكل واحد بريئ هيتعمله حفلة شاي، وكل اللي هيتقال في المؤتمر هيكون في انجاز لصالح الجمعية العمومية”.

حلمي بكر يهاجم  صاحب تريند انتش واجري

وكان قد هاجم حلمي بكر في وقت سابق، صاحب تريند انتش واجري، فقال: "المصنفات والنقابة  لازم تتفاعل، لكن اكثر من تلت تربع الناس دي النقابة هي اللي جبتهم نتيجة الرشاوي والقبض اللي في النقابة فبقى عندنا طبور خامس زبالة في الغنى ”

وتابع: “ انا مخلتش قناة إلا اما ببهدل كل الناس ومش هممني حد بس مش كفايا الدولة لازم تتحرك لاننا عندنا جيل كامل هيضيع وهيضيعوا البلد زبناء البني ادم اهم من اي حد، طب اما يبقى جيل اطفال عمال يقول كلمات بذيئة في الأغاني والكبار يقلعوا ملط، والبنات اديكوا شيفين بيعلموا اي واما بيلاقوني ساكتين بيعلموا اللي هما عايزينه، تفعيل الأجهز وتفعيل القانون هو الأهم”.