تامر شلتوت يدافع عن صاحب تريند “انتش واجري”: “الرحمة مبتتشحتش المفروض نديله فرصة ونوعيه"| فيديو

خرج الفنان تامر شلتوت لـ يدافع عن هيثم محمد الشهير بـ “ويجز الغلابة”، وصاحب تريند “انتش وإجري”، الذي أحدث ضجة عريمة عبر مواقع التواصل الإجتماعي المختلفة.

تحيا مصر يرصد في ذلك التقرير تصريحات تامر شلتوت على صاحب تريند انتش وإجري

تامر شلتوت عن ويجز الغلابة: “بلاش نوجعه عشان دا بيتعب”

قال تامر شلتوت في فيديو نشره عبر حسابه الرسمي بموقع التواصل الإجتماعي “فيسبوك”: “كل اللي بعمله للخير والصالح وبقيت احب السوشيال ميديا، وبشكر كل واحد صدق فيا ودعمني، في الفترة الأخيرة عملنا حلقة عن بيج ياسمين وشقاوة وويجز الغلابة الجمهور مكنوش قبلنهم ولما ظهروا اتشتموا من كل الناس للأسف، بتهاجمهم دا حقك ورأيك بس بلاش نوجعهم عشان ده بيتعب”.

تامر شلتوت عن صاحب تريند انتش واجري: قولتلهم دا دون المستوى

وتابع تامر شلتوت حديثها عن هيثم محمد “ويجز الغلابة”، فقال: “هيثم عمل فيديو “أنتش وأجري، وأما عمله مكنش بيثير اهتمامي ومعجبنيش، وشوفت الموضوع بايخ، ومحبتهوش وكنت مسافر برة مصر وقولت مش هشارك فيه، وقالولي تصور معاه قولتلهم دا دون المستوى، بعد ما رجعت شوفتله فيديو بيقول فيه انه مريض نفسي ومتدبحونيش وأنا مصدقت ان الدينا بتصالحني فياريت تدوني فرصة، فصعب عليا جدا لما شوفت الفيديو ده، هو مين فينا مبيغطش كلنا بنغلط وأنا شوف السلخ جامد على الولد”.

وأضاف: “بعد القصص اللي سمعتها عن الولد صعب عليا، الرحمة مش مبتتشحتش، الفيديو بتاعه سمع وبقيت بنام وبصحى كله عامل التيك توك بتاعه الانتشار ده كان لابد اننا  نقويه، وقررت أطلع معاه”.

تامر شلتوت عن ويجز الغلابة: المفروض ندعمه مش ندبحه

“كل المذيعين كانوا بيعاملواه كمريض نفسي، قولتله اللي انت عملته دا حاجة غلط، هو عنده قبول وقمة في الطيبة، غلط ومش مقبول اللي هو عمله بس المفروض نوعيه نقومه عشان الانتشار ده يكون بشكل إيجابي، ده بني ادم وروح مينفش ندبحه، كان بينام في الشارع وروح بينام على الأرض وواحد صوره ونزله والغلط على اللي صوره ونزل”.

جدير بالذكر، أنه جاءت كلمات انتش واجري على هذا النحو: اتا اتا اتيمونتو اتي شندل مايهورتي، اتا اتا اتيمونتو اتي شندل مايهورتي، انتش واجري، انتش واجري.. ترابتاتا، انتش واجري، انتش واجري.. ترابتاتا، موبن كيرا تاتشريوجو.. مساكن شيرتون.