"بليغ حمدي كان من نعم ربنا على المزيكا المصرية وبفكر أغني راب".. تصريحات مدحت صالح مع أنغام

حل الفنان مدحت صالح ضيف على برنامج أنغام الجديد الذي يحمل اسمها وتقدمه على قناة dmc، وذلك في ثاني حلقات البرنامج الذي بدأته في يومي الخميس والجمعة الماضيين، وكشف الفنان خلال الجزء الثاني من حلقته العديد من التصريحات يرصدها تحيا مصر في ذلك التقرير.

تصريحات مدحت صالح مع أنغام

• بليغ حمدي نقي، ونقائه خلاه مش بيفكر في حاجة غير حيزه، عشان كدة بقى مبدع.
• بليغ حمدي كان من نعم ربنا على المزيكا المصرية.
• سمعت ويجز وحبيته جدا وأنا بفكر أخوض التجربة بتاعته بس يكون مع حد شاطر فيها.
• أم كلثوم كانت بتحب تنتطلق، ولحقت بليغ حمدي في عز شبابه.
• أما قولت هعمل أغنية زي المليونرات قالولي لا ازاي مدحت صالح يعمل كدة وعملتها وحقتت نجاحات كبيرة.
• أنا وخالد زرق اصحاب جدا وكنت ممكن أروحله أخر الدنيا واتحرمت منه كتير قبل أبو العروسة.
• انا ضيف على التمثيل ومكنش في دماغي خالص ومكنتش أعرف اني ممثل الا اما هما قالولي.
• أول مسلسل عملته في حياتي كان مع مدحت صالح ومديحة يسري وعمر الحريري وممدوح وافي، وبعدها عملت مسرح  ثم فوازير.
• تألقت اما ابتديت أنتج لنفسي من أول ألبوم السهرة تحلى من كلمات رضا أمين.
• بحلم على قدي مجرد ما قدمتها للجمهور كنت خايف أوي ومكنتش مصدق نجاحها.
•  معنديش صراع ولا لهفة مع حاجة، وانتجت لنفسي شغل أكتر من الشركات.
• مش بالضرورة ان وجهة نظري أفرضها عليكي وتنجح معاكي، مفيش حاجة اسمها المفروض تعمل زي الأشخاص التانين اللي نجحوا، المفروض بتاعي أنا بس.

مدحت صالح يتألق في أغنية لحظة تاريخية

جدير بالذكر، أنه كان قد تألق مدحت صالح في أغنية "لحظة تاريخية"، التى تم طرحها يوم 4 من شهر أغسطس الماضي، عبر قناته الرسمية على موقع الفيديوهات الشهير العالمى"يوتيوب"، وقد حققت الأغنية نجاحاً كبيراً منذ طرحها وحتى الآن أكثر من مليون مشاهدة، وتعد أغنية "لحظة تاريخية"، من كلمات سيد حسن، ألحان نديم جمال، و توزيع أسامة كمال، وجاء مطلعها: "يا أجمل فرحة في حياتي
هموت وأعرف طلعت منين فرقت بجد فـ حياتي.. هواك من بدرى ده كان فين يا أجمل فرحة في حياتي هموت وأعرف طلعت منين فرقت بجد فـ حياتي".