سارة نخلة ترتبط من خارج الوسط الفني: "مش هقول لحد هو مين وتوبنا إلى الله"

 كشفت الفنانة سارة نخلة عن ارتباطها من شخص خارج الوسط الفني، مؤكدة أنها لن تكشف عن أي تفاصيل تخص هذه العلاقة، وذلك خلال لقائها ببرنامج “نص الكلام” مع الإعلامية راغدة شلهوب.

تحيا مصر يرصد لكم تفاصيل ارتباط الفنانة سارة نخلة 

سارة نخلة: مش هعرف حد هو مين وتوبنا إلى الله 

وقالت سارة نخلة عن حقيقة ارتباطها: ارتبطت من 7 شهور بس مش هعرف حد هو مين، وصلت لمرحلة إن محدش ليه دعوة أنا مع مين، لكن حياتي الشخصية ملك لنفسي وتوبنا إلى الله، وهو من خارج الوسط الفني، وارتبطت المرة دي عن حب وعقل بنفس الوقت.

وحينما سألتها المذيعة عن الأقرب لمواصفات فتى أحلامها بين أمير كرارة، ومحمد رمضان، كان ردها: محمد رمضان الأقرب لمواصفات فتى أحلامي عشان بعشق الغوامق.

سارة نخلة عن تصريحها لـ سلاف فواخرجي “هاتوا الدفاتر تنقرا” 

وقالت سارة نخلة: سلاف فواخرجي كانت مستضافة في برنامج والمذيعة سألتها “ليه مش بتشتغلي في مصر؟” كان ممكن تقولها أنا عندي شغل، وهي على دماغنا من فوق ومعنديش معاها مشكلة، لكن هي قالت “أنا لو كنت اشتغلت كنت قعدت فنانات مصر كلهم في البيت”، فروحت أنا كتبت البوست ده بعد ماهي نزلت بوست بتقول مصر وحشتني.

وتابعت سارة: الممثل السوري واللبناني لازم يعدي على مصر، وجملتها كانت عيب أوي ومصر هي اللي عملتها وساعتها شعرت بالغيرة على مصر.

سارة نخلة عن تصريحها لـ رضوى الشربيني “احنا مش في اوروبا”

وعن تصريحها لرضوى الشربيني قالت: بحب رضوى جدًا وبحترمها على المستوى الشخصي، وبناتها قمة الأدب والإحترام، واحنا عند بعض عالفيسبوك، بس بتضايقني كلمة “اختاروا صح” عشان بتكوني فاكرة نفسك اختارتي صح وبعد الجواز بيحصل حاجات غريبة، ورضوى بترفع سقف طموحات البنات، وعشان احنا كمجتمع عربي مبنعرفش نختار.

معلومات عن سارة نخلة 

هي فنانة سورية ولدت في الدمام في السعودية وعاشت فيها 13 سنه ثم عادت إلى سوريا واستكملت دراسة صيدلة هناك ثم انتقلت إلى مصر،ورفض اهلها توجهها إلى الوسط الفني ولكنها وجدت تشجيع من والدتها ثم بدأت العمل كمذيعة ثم شاركت في مسابقة ملكة جمال سوريا ومن بعدها مكلة جمال العرب.