سارة نخلة عن تصريحها “هاتوا الدفاتر تنقرا” لـ سلاف فواخرجي: جملتها كانت عيب ومصر اللي عملتها

تحدثت الفنانة سارة نخلة في حوارها ببرنامج “نص الكلام” مع الإعلامية راغدة شلهوب، عن تصريحاتها لكلًا من سلاف فواخرجي، ورضوى الشربيني، وذلك عبر شاشة قناة القاهرة والناس.

تحيا مصر يرصد لكم تعليق سارة نخلة على تصريحاتها عن سلاف فواخرجي ورضوى الشربيني

سارة نخلة عن تصريحها لـ سلاف فواخرجي “هاتوا الدفاتر تنقرا” 

وقالت سارة نخلة: سلاف فواخرجي كانت مستضافة في برنامج والمذيعة سألتها “ليه مش بتشتغلي في مصر؟” كان ممكن تقولها أنا عندي شغل، وهي على دماغنا من فوق ومعنديش معاها مشكلة، لكن هي قالت “أنا لو كنت اشتغلت كنت قعدت فنانات مصر كلهم في البيت”، فروحت أنا كتبت البوست ده بعد ماهي نزلت بوست بتقول مصر وحشتني.

وتابعت سارة: الممثل السوري واللبناني لازم يعدي على مصر، وجملتها كانت عيب أوي ومصر هي اللي عملتها وساعتها شعرت بالغيرة على مصر.

سارة نخلة عن تصريحها لـ رضوى الشربيني “احنا مش في اوروبا”

وعن تصريحها لرضوى الشربيني قالت: بحب رضوى جدًا وبحترمها على المستوى الشخصي، وبناتها قمة الأدب والإحترام، واحنا عند بعض عالفيسبوك، بس بتضايقني كلمة “اختاروا صح” عشان بتكوني فاكرة نفسك اختارتي صح وبعد الجواز بيحصل حاجات غريبة، ورضوى بترفع سقف طموحات البنات، وعشان احنا كمجتمع عربي مبنعرفش نختار.

سارة نخلة تستنكر ذهول الجمهور من مشروع كريم الحسيني الخاص

ويذكر أن كشفت سارة نخلة خلال الفترة الماضية عن اتجاهها للعمل بمشروع خاص منذ 3 سنوات إلى جانب التمثيل حتى لا تضطر إلى المشاركة في عمل فني ليست راضية عنه، مشيرة إلى أنه ما فعله زميلها الفنان كريم الحسيني هو أمر طبيعي.

وكتبت نخلة عبر حسابها الرسمي على موقع التواصل الاجتماعي «فيسبوك»: "أنا حاسة ان في ناس كتير اوي مستغربة اوي ان زميلنا كريم الحسيني المحترم عمل كدا و اشتغل حاجة جنب التمثيل، ومش فاهمة ليه مستغربين اوي مع انه موقف رجولي جدا و طبيعي اي راجل مكانه هايعمل كدا".

تابعت: "الجمهور فاكر ان الممثلين دول بياخدوا ملايين و ان الممثل كائن فضائي مثلا و بيروح يصور كم شهر وياخد شوال فلوس وهو ماشي ، على فكرة بس لازم تعرفوا ان الممثل انسان مرهف حساس جدا و ان الممثل برضو راجل و مسؤول و عنده مسؤوليات كتير.. و كلنا على فكرة انا بنت و  عليا اقساط و عندي عيلة فرقبتي و غيري زميلة و عندها اقساط و غيرها عندها مسؤوليات و عيال و بيت، و شايلين حمل كبير اوي وبرضو ماحدش بيتكلم".